काठमाडौँ, ९ वैशाख । नेपाल कम्युनिस्ट पार्टी स्थापना भएको ७० वर्ष बितेको छ । सात दशकपछि निर्वाचनको माध्मबाट दुई तिहाइ मतसहितको सरकार गठन गरेको छ । यसलाई नेपाली कम्युनिष्ट आन्दोलनको ठूलो उपलब्धिको रूपमा लिइएको छ ।
शक्तिशाली सरकार गठनसम्मको यात्रा तय गर्न कम्युनिष्ट पार्टीले थुप्रै टुटफुट र एकताको श्रृङ्खला पार गर्नुपरेको छ । तत्कालीन राणा सरकारको विरोधमा जनमत निर्माण गरी देशमा सामाजिक रुपान्तरण र जागरणका लागि पुष्पलाल श्रेष्ठको अगुवाइमा नेपाल कम्युनिस्ट पार्टीको स्थापना भएको थियो ।
सिद्धान्ततः माक्र्सवाद र लेनिनवादमा विश्वास गर्ने भएपनि शुरुमा एउटै नाममा रहेको कम्युनिस्ट पार्टीमा समयक्रममा मतभेदसँगै अनेक विभाजन आए । नेपाली कम्युनिस्ट आन्दोलनका संस्थापक पुष्पलाल श्रेष्ठ, नरबहादुर कर्माचार्य, निरन्जन गोविन्द वैद्य र नारायण विलास जोशीको पहलमा २२ अप्रिल विसं २००६ सालमा भारतको कलकत्तामा नेपाल कम्युनिस्ट पार्टीको स्थापना भएको थियो । कम्युनिस्ट पार्टीको स्थापनापछि सन् १९४९ सेप्टेम्बर १५ मा पहिलो घोषणा–पत्र जारी गरिएको थियो ।
पार्टी स्थापनाको अवसर पारेर नेपाल कम्युनिष्ट पार्टी (नेकपा) ले ७७ जिल्ला अध्यक्ष र सचिवको नाम, मध्याह्न १२ बजे प्रज्ञा भवनमा सार्वजनिक गर्ने भएको छ । (नेकपा)को सचिवालय बैठकले ७७ वटै जिल्ला अध्यक्ष र सचिवहरुको नाम बालुवाटार आइतवार साँझको बैठकले जिल्ला नेतृत्व टुंगाएको हो।
सचिवालय बैठक अघि दुई अध्यक्ष छुट्टै बैठक बसी नाम टुंग्याएर सचिवालय बैठकमा प्रस्ताव पेश गरेका हुन्। बैठकले सबै जिल्ला नेतृत्व टुंग्याएको प्रवक्ता नारायणकाजी श्रेष्ठ प्रकाशले जानकारी दिनुभयो । आज नेकपाको घोषणा दिवसको अवसरमा एबीसी न्यूज टेलिभिजनका अध्यक्ष तथा सम्पादक, नेपाल मिडिया सोसाईटीका अध्यक्ष शुभशंकर कँडेलले लेख्नुभएको ऐतिहासिक एकताका आधार र द सेभ ल्याडिङ पुस्तकको विमोचन गर्ने कार्यक्रम समेत रहेको छ ।
प्रतिक्रिया दिनुहोस्