काठमाडौं,२० चैत । नेत्रविक्रम चन्द ‘विप्लव’ समुहका नेपाल कम्युनिस्ट पार्टी (नेकपा)का केन्द्रीय सदस्य अनिल शर्मा विरहीले प्रगतिशील लेखक संघबाट राजीनामा दिनु भएको छ ।

प्रलेस सत्ताको दावेदारी गर्ने दलाल पूँजीवाद परस्त संगठनमा परिणत भएको भन्दै नेकपाका नेता शर्माले केन्द्रीय सल्लाहकार समितिबाट राजीनामा दिनु भएको हो ।

गतिशील लेखक संघ सामन्तवाद साम्राज्यवाद विरोधी संगठन भएपनि अहिले सत्तारुढ दल र केही अवसरछोपुवा लेखकहरूको भिडका रूपमा अघि बढाएको शर्माले आरोप समेत लगाउनु भएको छ ।

संघबाट राजीनामा दिँदै उहाँले , ‘सामन्तवाद साम्राज्यवाद बिरोधी संघर्ष नेपालमा जारी छ, तर प्रलेसले त्यो भूमिका निर्वाह गर्न नसकेको बताउनु भएको छ। शर्माको राजीनामाले संघभित्र ठूलो विवाद देखिएको छ । शर्माभन्दा अगाडि संघबाट ३८ जना केन्द्रीय समितिका लेखक तथा कविहरूले बिद्रोह गरेका थिए ।

शर्मा प्रगतिशील लेखक संघमा सल्लाहकार थिए प्रलेसलाई तत्काल बदल्ने सम्भावना समेत नरहेको भन्दै शर्माले दलाल पूँजीवादको विरुद्ध आन्दोलन उठानको लागि प्रलेस केन्द्रीय सल्लाहकार समितिबाट राजीनामा दिएको बताउनु भएको छ ।