काठमाडौं,१८ चैत । राष्ट्रपति विद्यादेवी भण्डारीले भीषण हावाहुरीका कारण बारा र पर्सामा भएको मानवीय क्षतिप्रति दुख व्यक्त गर्नु भएको छ ।
ठूलो संख्यामा सर्वसाधारण घाइते भएकोमा सहानुभूति प्रकट गर्दै उहाँले घाइतेको यथाशीघ्र उपचारको प्रबन्ध मिलाउन सम्बन्धित निकायको ध्यानाकर्षण गराइसकेको राष्ट्रपति कार्यालयले जनाएको छ ।
राष्ट्रपति भण्डारीले हावाहुरीले सवारी साधन, अन्नबाली, फलफूल खेती र भौतिक संरचनामा पुर्याएको क्षतिप्रति दुस्ख व्यक्त गर्दै राहतको व्यवस्था मिलाउन सम्बन्धित निकायको ध्यानाकर्षण समेत गराउनु भएको छ।
प्रतिक्रिया दिनुहोस्