कपिलवस्तु ११ चैत । छैठौं प्राचिन कपिलवस्तु महोत्सवको तयारी पुरा भएको छ ।

कपिलबस्तुको सदरमुकाम तौलिहवा स्थित बुद्ध पद्यम उच्च माविको खेल मैदानमा गरिने महोत्सव तयारी अन्तिम चरणमा पुगेको तौलिहवा उद्योग वाणिज्य संघका अध्यक्ष गयादिन कुर्मीले बताउनु भएको छ ।

तौलिहवा उद्योग वाणिज्य संघले पत्रकार सम्मेलन गर्दे महत्सवले स्थानीय स्तरमा रहेको कला सस्कृती तथा ऐतिहासिक बुद्ध स्थलहरुको पर्यटन तथा प्रवद्धन प्रचार-प्रसार गर्ने बताएको हो ।

महत्सवको उदघाटन गर्न नेपाली काग्रेस पार्टीका अध्यक्ष शेर बहादुर देउवा आउने बताइएको छ । चैत १८ गते देखी ३० गते सम्म संचालन गरिने रात्रिकालिन यस मेलालाई विशेष सुरक्षा व्यवस्था गरिएको जनाइएको छ । यस्तै गरि मेलामा कुस्ती प्रदशनी तथा नेपालमा विरलै हेर्न पाइने तालिम प्राप्त उँटको प्रदशनी गरिने समेत कुर्मीले बताउनु भयो । महत्सवमा १०० भन्दा बढी स्टल रहने र लगभग १ करोड बराबरको कारोवार हुने अनुमान गरिएको छ ।