बुटवल, २६ फागुन । रुपन्देहीको देवदहमा लागेको मेलामा पार्किङको बिषयमा भएको बिबादका कारण एक जना युवाको ज्यान गएको छ । आईतबार राती बुद्धनगरमा एक समुहको आक्रमणबाट देवदह नगर पालिका वडा नं ५ खैरेनीका युवा अनिस पुरीको मृत्यु भएको छ।
सांझ करिब ८ बजे तिर देवदह नगरपालिका वडा नं ९ बुद्ध नगरमा पुरी सामुुहिक आक्रमणमा परि मारिएका थिए । अनिस पुरीलाई स्थानिय युवाहरुको समुहले रड र ढुंगाले हानेर गम्भिर घाईते बनाएका थिए । उनको स्थानीय देवदह मेडिकल कलेज पु¥याए लगत्तै चिकित्सकले मृत घोषणा गरेको थियो ।
अनिसलाई एक परिचित युवाले फोन गरेर बोलाएका कारण उनी बुद्ध नगरमा पुगेको र त्यहाँ पुगेका पुरीमाथी १०,१२ जनाको समुहले आक्रमण गरेको स्थानीयले बताएका छन ।
गत १९ गते देखि लागि रहेको ब्यापार मेलाको बिषयमा देवदहको खैरेनी र बुद्ध नगरका युवाहरुका बिचमा सवारी पार्किङको बिषयमा बिवाद हुँदै आएको बताईएको छ ।
ब्यापार मेला स्थलमा सवारी साधन पार्किङका बिषयमा स्थानिय बुद्धनगर र खैरेनीका युवाहरुका बिचमा बिवाद उत्पन्न भई केहि दिन अघि देखि नै सम्भावित झडपको अवस्था देखिएको थियो ।
आक्रमणमा संलग्नहरुको पहिचान भई सकेको र उनीहरुको खोजी भई रहेको ईलाका प्रहरी कार्यालय बुटवलमा नायव प्रहरी उपरिक्षक डिल बहादुर मल्लले बताउनु भयो । प्रहरीले सोधपुछका क्रममा ५ जना युवाहरुलाई नियन्त्रणमा लिएको छ ।
एक मात्र छोरा अनिषको मृत्युको खवर पाए लगत्तै बेहोस भएका वुवा लोमस पुरी र आमा सोभा पुरीको अहिले बुटवल स्थिति गौतमबुद्ध मुटु अस्पतालमा उपचार भई रहेको छ ।
मृतक अनिषको सव पोष्टमार्टमका लागि प्रादेशिक अस्पताल बुटवलमा राखिएको छ ।