बुटवल, ८ फागुन ।
संघिय सरकारका कानुन तथा संघिय मामीला मन्त्री भानुभक्त ढकालले परिवर्तीत संसदले कानुन निर्माणमा काम अधुरो छाडेर बिघटन भएका कारण वर्तमान सरकारको आवश्यक कानुन बनाउने काममा बिलम्ब देखिएको बताउनु भएको छ ।
आज बुटवलमा आयोजित पत्रकार भेटघाट कार्यक्रममा बोल्दै मन्त्री ढकालले परवर्तीत संसदले निर्वाचन बाहेकका कानुन बनाउने कामलाई थांती राखेर छाडेको हुंदा वर्तमान सरकरको् काममा बिलम्ब गरे जस्तो् देखिएको बताउनु भयो ।
उहांले संघियता सरकार र पार्टीका लागि नयां बिषय भएकाले प्रयोगमा केहि समस्याहरु देखिएको बताउंदै समय संगै सबै समस्या समाधान हुंदै जाने बताउनु भयो । सरकारसंग स्पष्ट बहुमत भए पनि सरकार बिपक्षी दललाई संगै राखेर कानुनहरु बनाउने पक्षमा रहेको बतांदै मन्त्री ढकालले चिकित्सा सम्बन्धी बिधेयक बाहेक सबै बिधेयकहरु संसदबाट सर्ब सम्मतले पास भएको स्मरण गर्नुभयो ।
पत्रकारहरुको एक जिज्ञासाका बिषयमा बोल्दै कानुन मन्त्री ढकालले प्रमुख जिल्ला अधिकारीलाई नागरिकता, पासपोर्ट, सिमा सुरक्षा र बैदेशीक मुद्रासंग सम्बन्धीत बिषयमा बाहेक अन्य बिषयमा प्रदेश सरकार कै समन्वयमा चल्ने सहमती भएको बताउनु भयो ।
मन्त्री ढकालले सबैधानीक परिषदको नियुक्तिका लागि सरकारले बोलाएको बैठकमा प्रमुख बिपक्षीदलका नेता अनुपस्थित भएकाले सरकारले पदाधिकारी नियुक्त गर्नु परेको स्पष्ट पार्दे कांग्रेस निर्वाचनबाट पराजीत भएको कुण्ठाबाट मुक्त हुन नसकेको आरोप लगाउनु भयो । मन्त्री ढकालले आजै राष्ट्रिय सभाको राष्ट्रिय सरोकार तथा समन्वय समितीले आयोजना गरेको तहगत राज्य संरचनाको बिकासमा समन्वय बिषयक अन्तरक्रियाको समेत उदघाटन गर्नुभएको थियो ।