काठमाडौं,१३ माघ । चिकित्सकहरुले आमरण अनसनरत डा. गोविन्द केसीको जीवन रक्षा गर्न सरकारसँग गर्दै काठमाडौंमा ¥याली निकालेका छन ।
महाराजगंजस्थित शिक्षण अस्पतालका आवासीय चिकित्सकहरुले डा. केसीको जीवन रक्षा गर्न सरकारलाई दवाव दिन ¥यालीसहितको सडक आन्दोलन सुरु गरेका हुन ।
त्यसक्रममा उनीहरुले डा. केसीको जनतामुखि माग सम्बोधन गर्न सरकारलाई दवाव दिँदै नाराबाजी पनि गरेका थिए । जनताको पक्षमा मेडिकल शिक्षा हुनुपर्ने माग गर्दै अनसनरत डा. केसीको जीवन रक्षाको माग गर्दै सरकारविरुद्ध आन्दोलन गर्नु परेको आवासीय चिकित्सक सुमित पाण्डेले जानकारी दिनु भयो ।
शिक्षण अस्पतालमा कार्यरत आवासीय चिकित्सकहरुले डा. केसीको माग सम्बोधन गर्न दवाव दिन सोमबारबाट अस्पताल परिसरमै रिले अनसन पनि सुरु गर्ने भएका छन ।
उनीहरुले डा. केसीको माग सम्बोधन नगरे अस्पतालको सबै सेवा ठप्प पारेर आन्दोलनमा जान बाध्य हुने चेतावनी पनि दिएका छन ।
चिकित्सा क्षेत्र सुधारका लागि माग गर्दै डा. केसीले १६ औं आमरण अनसन बसेको १९ औं दिन पुगीसक्दा पनि सरकारले वास्ता नगरेकोमा आवासीय चिकित्सकहरुको गुनासो छ ।
प्रतिक्रिया दिनुहोस्