बुटवल, १२ माघ । बिपक्षिदलको बेवास्ता गर्दै स्वास्थ्य शिक्षा बिधेयक पारीत गरेको भन्दै नेपाली कांग्रेसको भातृ संगठन नेपाल तरुण दलले शनिबार बुटवलमा सरकार बिरुद्ध प्रदर्शन गरेको छ ।
५ नम्बर प्रदेश स्तरीय बिरोध प्रदर्शन तथा खबरदारी सभामा प्रदेशका बिभिन्न जिल्लाबाट सयौंको संख्यामा तरुण युवाहरुको सहभागिता थियो । बुटवलको राजमार्ग चौराहमा गरीएको बिरोध सभामा बोल्ने तरुण नेताहरुले दुइ तिहाइको दम्भमा संविधान कुल्चने र कम्युनिष्ट शासन स्थापित गर्ने दाउमा सरकार उद्यत रहेको आरोप लगाएका थिए ।
उनीहरुले राज्यबाटै अपराधीलाइ संरक्षण गँरीदा हत्या हिंसा, बलात्कारका घट्ना बढनुका साथै सुशासन कायम गर्न नसकेको टिप्पणी गरे । तरुणका केन्द्रिय र प्रदेशका शीर्ष नेताहरुले अधिनायकबाद र सर्वसत्ताबाद चरित्रलाइ नसच्याए तरुण युवाहरुले सडकबाटै ओली सरकार ढालिदिने चेतावनी समेत दिएका थिए ।
सभालाई सम्बोधन गर्दै तरुण दलका केन्द्रिय अध्यक्ष जितजंग बस्नेतले अन्तिम पटक कम्युनिष्टसंगको लडाइका लागि तयारी भै रहेको जानकारी दिए । बस्नेतले कम्युनिष्टहरुसंग मुख्य लडाइ लडनु पर्ने बेला भएकाले पार्टी भित्रै आपसमा बिभाजित नहुँन पार्टी नेतृत्वलाइ आग्रह समेत गरे ।
तरुण दलका केन्द्रिय उपाध्यक्ष उत्तम कुमार चापागाइले ओली सरकारले दुइ तिहाइको बहुमतलाइ भ्रष्टाचार गर्ने लाइसेन्सको रुपमा प्रयोग गरीरहेको आरोप लगाए । कार्यक्रममा तरुणका केन्द्रिय कोषाध्यक्ष विद्धान गुरुङ,तरुण दलका रुपन्देही अध्यक्ष सोम गुरुङ,कपिलबस्तु सभापती सत्यसिंह ठकुरी, गुल्मी सभापती भरत बलामी लगायतले बोल्दै जनतालाइ समृद्धिको सपना देखाएको सरकारले विकास, शुसासन र शान्तिसुरक्षा कायम गर्न नसकेको भन्दै बर्तमान सरकारको बिकल्प नेपाली जनताले खोजेको बताएका थिए ।