काठमाडौं,११ माघ । पूर्व सभामुख सुवाष नेम्वाङले ‘राष्ट्रिय चिकित्सा शिक्षा विधेयक’ संसदीय विधि र प्रक्रियाबाटै पारित भएको दावी गर्नु भएको छ ।
सत्तारुढ नेपाल कम्युनिष्ट पार्टी (नेकपा) संसदीय दलका उपनेता समेत रहनु भएका नेम्वाङले विगतमा संसदीय अभ्यास र स्थापित परम्परा अनुसार पारित गरिएको सो विधेयकलाई विवादमा नल्याउन पनि प्रमुख प्रतिपक्ष दल नेपाली काँग्रेसलाई आग्रह गर्नु भयो ।
विधेयक पारित भएपछि संचाकर्मीमाझ उहाँले प्रमुख प्रतिपक्ष काँग्रेससँग दुई दिनयता धेरै पटक गरिएको छलफलको आधारमा सभामुख कृष्णबहादुर महराले सो विधेयकलाई संसदमा निर्णयार्थ पेश गरेको दावी पनि गर्नु भयो ।
आफूसहितको सहभागितामा काँग्रेसका नेताहरुसँग छलफल गरेर पारित गरिएको सो विधेयक संसदीय प्रक्रिया अनुरुपनै रहेको नेम्वाङको तर्क छ ।
उपनेता नेम्वाङले काँग्रेस नेताहरुको नाममा स्थापित दुई वटा अस्पताल विघटन नहुनेमा पनि आश्वास्त पार्नु भयो ।
उहाँले प्रधानमन्त्री केपी ओलीले दुवै अस्पताल खारेज नहुने कुरा संसदमा बोलेकोतर्फ पनि काँग्रेस नेतृत्वको ध्यानाकर्षण गराउनु भयो ।
प्रतिक्रिया दिनुहोस्