काठमाडौं,११ माघ । प्रतिनिधिसभाको अवरोध खुलाउने विषयमा सभामुख कृष्णबहादुर महराले आयोजना गरेको छलफल विना निश्कर्ष टुङगिएको छ ।
प्रमुख प्रतिपक्षी नेपाली कांग्रेस र सत्तारुढ दल आ-आफ्नै अडानमा रहेका कारण संसद खुलाउने विषयमा सहमति जुट्न नसकेको हो ।
सभामुख कृष्णबहादुर महराले संसदको अवरोध खुलाउने विषयमा छलफल आह्वान गरेका थिए ।
छलफलमा कांग्रेसका संसदीय दलका उपनेता विजय गच्छेदार, प्रमुख सचेतक बालकृष्ण खाँड, सत्तापक्ष नेकपाका उपनेता सुवास नेम्वाङ, नेकपाका प्रमुख सचेतक देव गुरूङ, कानूनमन्त्री भानुभक्त ढकाल र उपसभामुख शिवमाया तुम्बाहाम्फे बसेका थिए ।
तर छलफलमा सहमति नजुटेका कारण कांग्रेसले शुक्रबार पनि अवरोध गर्ने तयारी गरेको छ । सहमति जुटाउनका लागि शुक्रबार दिउँसो १ बजेका लागि बोलाइएको संसद बैठक २ बजेसम्म चल्न सकेको थिएन ।
प्रतिक्रिया दिनुहोस्