बुटवल, ८ माघ ।
नेपाली कांग्रेसका प्रभावशाली नेता रामचन्द्र पौडेलले वर्तमान सरकारले लोकतान्त्रीक मान्यतालाई खिल्ली उडाएको आरोप लगाउनुभएको छ ।
प्रजातान्त्रीक बिचामञ्च रुपन्देहीले आज बुटवलमा आयोजना गरेको एक कार्यक्रममा बोल्दै नेता पौडेलले संबैधानीक आयोगमा बिपक्षिदलका नेताको अनुपस्थितीमा नै नियुक्ति र मनोनयन गरेर सरकारले लोकतान्त्रीक मान्यतामाथि प्रहार गरेको बताउनुभयो ।
उहांले कम्युनिष्टहरुको सरकार शान्ति सुरक्षा, सुशासन र बिकास तीनै बिषयमा असफल भएको निश्कर्ष निकाल्दै नेपाली कम्युनिष्ट पार्टी नाफाखोरहरुहरुको पार्टी बनेको बताउनुभयो ।
बिगत निर्वाचनमा सिद्धान्तत कांग्रेस पार्टीले जितेपनि संगठनले जनतामा पराजित भएको उल्लेख गर्दै नेता पौडेलले कांग्रेसको वर्तमान केन्द्रिय समितीलाई म्याद थप गर्ने नैतिक अधिकार नरहेको टिप्पणी गर्नुभयो ।
कार्यक्रममा बोल्दै कांग्रेसका केन्द्रिय सदस्य चन्द्र भण्डारीले कांग्रेस र नेपालका राजनितीक पार्टीहरु कमाउ धन्दा गर्नका लागि मात्र बनेको जस्तो देखिएको बताउनुभयो ।
दल र दलका कार्यकर्ताहरुमा संस्कारको बिकास नभएर लोकतन्त्रको बिकास नहुने नेता भण्डारीको भनाई थियो । कार्यक्रममा युवा नेता प्रदिप पौडेल, डाक्टर केदार नरसिंह केसी, रामराज पोखरेल लगायतका नेताहरुले बिचार ब्यक्त गरेका थिए ।
नेताहरुले आजै बुटवलमा आयोजित कांग्रेस निकट भुतपुर्व सैनिक संगठनको कार्यक्रमलाई समेत सम्बोधन गर्नुभएको थियो ।