लुम्बिनी,११ कात्तिक । चोरी निकासी मार्फत जथाभावी रुपमा वन फडानीको चर्चा चलिरहेको बेला रुपन्देहीमा सामुदायिक वन उपभोक्ताकै मिलोमतोमा काठ तस्करी हुन थालेको हो ।

गैडहवा गाँउपालिका स्थित जीतपुर सामुदायिक वनबाट २२ दशमलव ३३ क्यूफीट सालको चारवटा गुलिया समितीकै पदाधिकारीहरु द्वारा वन कार्यालयको बिना आदेश कटानी गरि समीलमा बिक्रीका लागि लगिरहेको बेला रुपन्देहीमा वन समितीकै मिलोमतोमा काठ तस्करी भईरहेको खुलासा भएको हो ।

असोज २८ गते वन समितीकै मान्छेहरु द्वारा रुख काटी रहेको स्थानीयले प्रहरीलाई गोप्य सूचना दिएको आधारमा पोहवा प्रहरीद्वारा छापा मारी बरामद गरेको काठ ठकुरापुर रेन्जपोष्टमा हस्तान्त्रण गरिसकेको ईलाका प्रहरी कार्यालयका प्रहरी निरीक्षक शंकर पोखरेलले जानकारी गराए ।

बरामद गरिएको काठ सुरक्षित राखी जीतपुर सामुदायिक वन उपभोक्ता समिती माथि मुद्दा प्रक्रिया अघि बढाईएको लुम्बिनी सब डीबीजन कार्यालयका रेन्जर कृष्ण सुवेदीले बताए ।

यद्यपि पटकपटक रुख गिरदा चोरी निकासी बाट जोगाउन बन उपभोक्ता समिती मार्फत निर्णय गरि मजदूरहरुको ज्याला तिर्न हतार हुदा बिना कटानी आदेश काठ बिक्री गर्ने तयारी गर्दा बिपक्षीहरुले कुरा लगाएको बन समिती अध्यक्ष रामसेवक चौधरीको भनाई छ ।

तर वन संरक्षणकै लागि नेपाल सरकारले उपभोक्ताको जिम्मा लगाई सकेको अवस्थामा वन समितीका मान्छेहरु मनोमानी ढंगबाट काठ कटाई बिक्री बितरण गरिरहेको कार्य रोकी गाँउपालिकालाई लिखित जानकारी गराउन आवश्यक रहेको गैडहवा गाँउपालिका अध्यक्ष बछुलाल केवटले आग्रह गरे ।