काठमाडौं,११ कात्तिक । नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले चितवनमा सिटी हल र क्रिकेट मैदान बनाउने घोषणा गरेका छन् । उनले आइतबार भरतपुर महानगरमा भएको कार्यक्रममा यस्तो घोषणा गरेका हुन्।

कार्यक्रममा सहभागी हुन अध्यक्ष प्रचण्ड महासचिव विष्णु पौडेलसहित चितवन पुगेका हुन् । उनले यस विषयमा चियापानपछि प्रधानमन्त्री केपी शर्मा ओलीलाई भेटेरै कुरा गरेको बताएका छन ।

अध्यक्ष प्रचण्डले भने, ‘प्रधानमन्त्री ओलीले चितवनमा सिटी हल र क्रिकेट मैदान पनि बनाउने हो घोषणा गर्दिनुहोस् भनेर भन्नुभयो।

अध्यक्ष प्रचण्डले हुलाकी मार्ग चितवनको सबैभन्दा पहिला बन्ने जानकारी दिएका छन। उनले भारतीय राजदूततले आफूलाई फोन गरेर हुलाकी राजमार्गको चितवन खण्ड सबैभन्दा पहिले बन्ने जानकारी गराएको बताएका छन ।

उनले चितवनका लागि आफूले गर्ने सक्ने काम पनि नसकेको बताए। उनले चितवन नमुना बन्ने प्रक्रिया अगाडि बढ्दै गएको दावी समेत गरेका छन ।