पोखरा,११ कात्तिक । गण्डकी प्रदेशका मुख्यमन्त्री पृथ्वीसुब्बा गुरुङले प्रहरी प्रशासन अझैपनि लोकतान्त्रिक हुन नसकेको बताएका छन । प्रहरी प्रशासन मात्र नभइ राजनैतिक दलहरु स्वयंपनि लोकतान्त्रिक पद्धतिमा हिड्न नसकेको गुरुङको आरोप छ ।
चार नम्बर प्रदेश प्रहरी कार्यालय पोखराले आयोजना गरेको हर प्रहर गाउ र नगरी टोल टोलमा नेपाल प्रहरी भन्ने मुल नाराका साथ समुदाय प्रहरी साझेदारी कार्यक्रमको उद्घाटन गर्दै मुख्य मन्त्री गुरुङले मुलुक लोकतान्त्रिक गणतन्त्र सहित संघीयतामा गइसक्दा पनि प्रहरी प्रशासन लोकतान्तित्र बन्न नसकेको वताएका हुन ।
अझैपनि पञ्चायति कालमा जस्तै ठूला बडाकै हातमा प्रहरी प्रशासन चलिरहदा प्रहरीको काम चुस्त दुस्त हुन नसकेको वताउदै प्रहरी प्रशासन र कर्मचारीहरु लोकतान्त्रिक भइनसकेको सन्दर्भमा नेपाल प्रहरीले सुरु गरेको समुदाय प्रहरी साझेदारी कार्यक्रमले मुख्य भुमिका खेल्ने बताए ।
अझैपनी नेपालमा पञ्चायत कालिन भुतको अस्तित्व नहटिसकेको भन्दै गुरुङले राजनैतिक दल, नेपाल प्रहरी प्रशासन र कर्मचारीहरुमा समेत यसको जड बांकी रहेकाले आजदेखी सुरु भएको अभियानले यस्ता नकारात्मक क्रियाकलापलाई हटाएर समाजमा प्रहरी प्रतिको इमान्दारितालाई नागरिकहरुको सहकार्यतामा छर्लङग पार्नका लागी विशेष भुमिका खेल्ने उनको भनाइ रहेको थियो ।
त्यस्तै कास्कीका प्रमुख जिल्ला अधिकारी चक्र बहादुर बुढाले अझैपनि समाज सभ्य भइनसकेको सन्दर्भमा यस्ता कार्यक्रमले समाजमा सुधारउनमुख काम गर्न तर्फ प्रोत्साहित गर्ने वताए ।
वुढाले कास्कीमा पछिल्लो दुइवटा महिला हिंसा सम्बन्धि घटनामा विभिन्न राष्ट्रिय तथा अनतराष्ट्रिय गैर सरकारी संघ सस्थाको सहयोगमा प्रहरी प्रशासनको खिल्ली उडाउन समाजिक अभियनताहरुको समेत संलग्नता रहेको उल्लेख गर्दै यस्ता कार्यलाई निरुत्साहित पार्नका लागी समुदाय प्रहरी साझेदारी कार्यक्रमले ठूलो भुमिका खेल्ने बताए ।
कार्यक्रममाा चार नम्बर प्रदेश प्रहरी प्रमुख प्रहरी नायव महानिरीक्षक दान सिंह बोहोराले गण्डकी प्रदेशमा आजदेखी शुरु भएको अभियाले प्रहरी समुदाय हुदै विदालय स्तर सम्म यो अभियान सञ्चालन हुने भएकाले प्रहरीको काम कर्तब्य र अधिकारका बारेमा सवैले जान्न र बुझ्न यो अभियानले सहयोग पु¥याउने बताउदै कोही कसैलाइ अफ्ठेरो परेको खण्डमा प्रहरीलाई खवर गर्नुपर्छ भन्ने मुख्य सन्देश फैलाउनकै लागी यो कार्यक्रमले प्रभावकारी ढंगले अगाडी बढ्ने बताए ।
प्रतिक्रिया दिनुहोस्