नवलपरासी, ९ असोज । पूर्वी नवलपरासीको कावासोती नगरपालिका १६ हरबासीका एक महिला माथि छुरा र एसिड प्रहार भएको छ ।
स्थानीय ३६ वर्षीय खले विक भन्ने विमल श्रीपालीले हरबासीकै ३० वर्षीया बसन्ती परियारलाई आफूसँग बिहे गर्न नमानेको भन्दै एसिड र छुरा प्रहार गरे र घाईते बनाएका हुन् ।

घाईते बसन्तीको चितवनको भरतपुरमा उपचार भइरहेको छ । उनीहरु दुवै विवाहित हुन् । विमलले बसन्तीलाई सोमबार राति एसिड छ्यापेर तीन पटकसम्म छुरा प्रहार गरेको प्रहरीले जानकारी दिएको छ ।  एसिड प्रहार गर्ने विमल श्रीपालीलाई गएराति नै पक्राउ गरि थप अनुसन्धान भईरहको प्रहरीले जनाएको छ ।