काठमाडौं,२५ भाद्र । कर्णाली प्रदेशका मुख्यमन्त्री महेन्द्रबहादुर शाहीले प्रधानमन्त्री केपी शर्मा ओली र प्रदेश सरकारका मुख्यमन्त्रीहरुबीच कुनैपनि द्वन्द्व नरहेको स्पष्ट पार्नुभएको छ ।
सोमबार रिपोर्टर्स क्लब नेपालले काठमाडौंमा आयोजना गरेको साक्षात्कारमा बोल्दै मुख्यमन्त्री शाहीले कर्णाली प्रदेश कसरी बनाउन भन्नेमा सबैको एकमत रहेको बताउनुभयो ।
संघीय सरकारले नीति बनाउने र प्रदेश सरकारले योजना बनाउने र कार्यान्वयन गर्ने कार्य भएको भन्दै उहाले स्थानीय सरकारले जनतालाई सेवा दिनुपर्ने बताउनुभयो । मुख्यमन्त्री शाहीले प्रदेश सरकारको विकास, शान्ति–सुरक्षा, विकास, स्वास्थ्य, शिक्षा, रोजगार सम्पूर्णको जिम्मेवारी प्रदेश सरकार र मुख्यमन्त्रीलेनै लिनुपर्ने बताउनुभयो ।
कर्णाली प्रदेशको परिचय बदल्नको लागि केही समय लाग्ने बताउँदै मुख्यमन्त्री शाहीले कर्णाली प्रदेश सम्पूर्ण रुपमा धनी प्रदेश भएको दाबी गर्नुभयो । विगतमा कर्णालीको दयनीय तस्बिर बेचेर डलर कमाउनेहरुको कब्जामा कर्णाली रहेपनि अब त्यसबाट मुक्त भैसकेको उहाको भनाई छ ।
उहाले कर्णाली प्रदेश नबन्नुमा आफ्नो गल्ति र कमजोरीका कारणले नबन्ने ठोकुवा गर्दै आफ्नो भगिरथ प्रयास कर्णाली प्रदेशको उन्नती र प्रगतीको गर्नमा समर्पित रहेको धारणा पनि राख्नुभयो ।
प्रतिक्रिया दिनुहोस्