पोखरा, २२ भाद्र । गण्डकी प्रदेशका मुख्य मन्त्री पृथ्बी सुब्बा गुरुङले संघियता असफल भए देशको जहाज डुब्ने बताएका छन् ।
शुक्रबार, पोखरामा आयोजित रेस्टुरेन्ट एन्ड बार एसोसियसन (रेवान) पोखराको २४ औं बार्षिक साधारण सभा तथा १३ औं अधिवेसनलाई सम्बोधन गर्दै मुख्यमन्त्री गुरुङले यस्तो अभिव्यक्ति दिएका हुन् ।
उनले केन्द्रिय सरकारले प्रदेश सरकारलाई कुनै पनि अधिकार नदिदा केन्द्रिकृत शासनप्रणाली भन्दा फरक नभएको बताए ।
राजा महेन्द्रले १८ सालमा ७५ जिल्ला १४ अञ्चल बनाएको उल्लेख गर्दै उनले पछिल्लो समय संघीयतामा गएर सरकारको स्वरुप परिवर्तन भएपनि संघीय सरकारले आवश्यक अधिकार नदिदा काम गर्न असहज भएको बताए ।
उनले बिगतका सरकारलाई पाको सरकारको संज्ञा दिदै प्रदेश सबैभन्दा कान्छो भएको बताए ।
संघिय सरकार र प्रदेश सरकार बिचमा ८० वर्षको बुढो र भर्खर जन्मेको शिशु जस्तै फरक भएको उदाहरण दिँदै । उनले भने, ‘अहिले शिशुले जुन किसिमको समस्या भोगी रहेको छ । उ ठिक ढङ्गले हुर्कन पाएन भने जहाज डुब्छ । त्यसपछि कस्तो विकराल स्थिति आउँन सक्छ हामीले कल्पना गर्न सक्दैनौं ।’
संघिय सरकारले आफ्नो जिम्मवारी पुरा नगरेकाले पनि सरकारको आलोचना गर्नुपरेको उनको भनाई रहेको थियो ।
प्रतिक्रिया दिनुहोस्