पोखरा, १७ साउन । गण्डकी प्रदेशका मुख्यमन्त्री पृथ्वीसुव्वा गुरुङले संघीय सरकारले काम गर्ने अधिकार नदिदा काम गर्न अप्ठेरो परेको बताउनुभएको छ । विन्ध्यवासिनी धार्मिक क्षेत्र विकास समितिको आयोजनामा पोखरामा शिवानन्द कुण्डको उद्घाटन गर्दै मुख्यमन्त्री गुरुङले अधिकार नहुँदा निरीह भएर बस्नु परेको बताउनुभएको हो ।
उहाले पोखराका गण्डकी अस्पतालको एउटा मेसिनको लागि केन्द्रमै मुख ताक्नु पर्ने, त्यहाँबाट मान्छे आएर चेक जाँच गर्नु पर्ने, त्यहि कुरा लेखेर फेरि केन्द्रमै पठाउनु पर्ने बाध्यता रहेको उल्लेख गर्नुभयो । ‘ओहोर र दोहोर गरि राख्नु पर्ने प्रक्रिया घुमि राख्ने, मान्छे मरि राख्ने, उपचार समयमै नहुने, यस्तो समस्या छ ।’ उहाले भन्नुभयो, ‘यस्को अन्त्य गर्नुपर्छ अधिकारको कुरा पनि हेर्नुपर्छ ।
उहाले पोखरामा रहेको पश्चिमाञ्चल अस्पताल अवलोकन गर्न जादाँ डाइलेसिस मेसिन बिग्रीएको अवस्थामा रहेको रहेको उल्लेख गर्दै प्रदेश सरकारले खरिद गर्न सहयोग गर्ने बताउनुभयो ।
गण्डकी प्रदेशमा ८५ वटा स्थानीय तहमा बाटो, अस्पताल पुर्याउने माग छ, उहाले भन्नुभयो “जब पोखरामा भएको अस्पतालमै बिरामीको राम्रोसँग उपचार गर्न सकिएन भने त्यस्को के अर्थ ? मन्त्री सुव्बाले संघीय सरकारले अधिकार दिएको खण्डमा मेसिन नै खरिद गर्न सक्ने सामर्थ रहेको समेत बताउनुभएको थियो ।
प्रतिक्रिया दिनुहोस्