काठमाडौं १२ साउन । अर्थमन्त्री डा. युवराज खतिवडाले देशको आर्थिक व्यवस्था र सुशासन चुस्त दुरुस्त बनाउन आफू लगि परेको बताएका छन् । एबीसी न्युज टेलिभिजनको कार्यक्रम आउटलुकका लागि शुभशंकर कंडेलसंग कुरा गर्दै डा. खतिवडाले कतिपय सन्दर्भमा अरुले बजाएको बाजामा कुरै नबmुझी हाम्रा मान्छे नाचिरहेको बताए । अर्थमन्त्री खतिवडाले यथार्थ बुझ्न पार्टी कार्यकर्ताहरुलाई समेत आग्रह गरेका छन् ।

असारे विकासको प्रकोप किन रोकिएन भन्ने प्रश्नको जबाफमा यसपटक धेरै हदसम्म रोकिएको बताउदै असारमसान्तमा मात्र भुक्तानी दिने गलत प्रवृत्तिले पनि त्यस्तो देखिएको मन्त्री खतिवडाले स्पष्ट गरे ।
यो एक वर्षमा निर्माण, आयोजना र उद्यममा गरेर ५ लाखबढीलाई रोजगारी सिर्जना गर्ने र रोजगारी दिन नसकेमा सरकारलो क्षतिपूति समेत दिने अर्थमन्त्री खतिवडाले दावी गरे ।
बजेटको विरोध हुनुमा आम रुपमा पुरानै ढर्राको सोचाई र शैली जिम्मेवार रहेको बताउंदै मन्त्री खतिवडालो भने हामी अहिले नयां संरचनामा संघीय, प्रदेश र स्थानीय तहको सकारको बजेटको अवस्थामा छौं । वडमा गरिने काम प्रावि स्कुल वा उपस्वास्थ्य चौकी केन्द्रीय बजेटमा नभएर स्थानीय तहको बजेटबाट गर्ने प्रणालीमा छौं । यो सबै माननीयहरु र नेताहरुले बुझन् आवश्यक छ मन्त्री खतिवडाको अनुरोध छ ।
एक अर्को प्रसंगमा अर्थमन्त्री पपुलिष्ट नएर यथार्थवादी बन्नु पर्ने उनले बताए ।

इन्टरनेटको कर सम्वन्धी विवादमा व्यख्या गर्दै मन्त्री मन्त्री खतिवडाले महालेखा परिक्षकको प्रतिवेदनमा १सय २० करोड रकम इन्टरनेट कम्पनीहरुबाट बदमासी भएको किटानी सहित अर्थमन्त्रालयलाई असुल्न निर्देशन रहेको बताए । इन्टरनेट सम्वन्धी कर जनतालाई नभएर व्यवसायीको नाफामा लागएको मन्त्री खतिवडाले स्पष्ट गरे ।

डा. खतिवडासंगको गरिएको आर्थिक लगानी, पारदर्शीता र अर्थमन्त्रलायले बदमासी गरिरहेका कम्पनीहरुमा माथि गर्नलागेको कारबाहीका विषयको विस्तृत अन्तर्वाता . यो अन्तर्वार्ता youtube.com/abcnewsnepal र facebook.com/abc television nepal मा समेत हर्ने सकिनेछ ।