काठमाडौं, ४ साउन। विभिन्न व्यक्तिलाई फेसबुकबाट साथी बनाउँदै अप्राकृतिक यौन दुराचार गरेको आरोपमा एकजना वृद्ध विदेशी नागरिक पक्राउ परेका छन् ।
प्रहरीका अनुसार उनले किशोरहरुलाई म्यासेन्जरबाट साथी बनाएर होटलमा बोलाउँदै अप्राकृतिक यौन सम्बन्ध राख्ने गरेका थिए । यौन दुराचारको आरोपमा पक्राउ पर्ने स्वीस नागरिक पिटर क्रिश्चियन लानजेन्डोर्फ उमेरले वृद्ध हुन् । उनी ६६ वर्ष पुगेका छन् । उनी भक्तपुरको शिद्धपोखरीमा अस्थायी बसोबास गर्दै आएको थिए ।

पिटरलाई प्रहरीले बिहीबार पक्राउ गरी जबरजस्तीकरणी महल बमोजिम कारवाहीका लागि महानगरीय प्रहरी परिसरमा पठाएको छ ।
उनले काठमाडौंको बाफल बस्ने वर्ष १६ का नाबालकसँग फेसबुकमार्फत साथी बनाई आर्थिक प्रलोभन देखाएर यौन दुव्र्यवहार गरेको महागनरीय अपराध अनुसन्धान महाशाखाका प्रमुख एसएसपी धिरज प्रताप सिंहले बताए ।

प्रहरीका अनुसार पिटर चुच्चेपाटीमा रहेको टिगर इन होटल र भक्तपुरको दरबार स्वायरमा रहेको वेलकम हेरिटेज इनमा पार्टनरसीपमा काम गर्दै आएका थिए ।
कुनै किसिमको अप्राकृतिक मैथुन गरेमा जबजजस्ती करणीको महलको दफा ३ अनुसार हुने सजायँमा थप १ वर्ष कैद हुने व्यवस्था मुलुकी ऐनमा छ ।