काठमाडौं,३० असार । स्वास्थ्यमन्त्रीको कुर्सीमा रहदा कांग्रेस नेता गगन थापाले डा. गोबिन्द केसीको माग नाजायज रहेको ठोकुवा   गर्नुभयो । आफ्नै पार्टी सभापति शेरबहादुर देउवालाई समेत केसी गलत रहेको र केही बिदेसी मेडिकल माफियाको उक्साहटमा रहेको निश्कर्ष सुनाउनु भयो । कोर बैठकमा तात्कालिन प्रधानमन्त्री देउवाले निश्कर्ष सुनाउनु भयो, गगन जस्तो मिडियामा आउँछ भने जे गर्न पनि तयार हुने सेलिब्रेटी त बिपक्षमा छ, डा. केसीको माग कसरी जायज हुन्छ ?’ हुन पनि थापाले स्वास्थ्यमन्त्री हुँदा स्वास्थ्य क्षेत्रको सुधारमा सिन्कोसम्म भाँच्नुभएन ।

बिज्ञापनमा आउने कमिशनबाट धेरैलाई मनोरञ्जन गराउन भने सफल हुनुभयो ।अहिले कांग्रेस सत्तामा छैन । थापा पनि मन्त्री हुनुहुन्न । त्यही भएर उहाँ कसरी देशको बिकाश रोक्ने ? समृद्धिलाई चिसो पानी खन्याएर कसरी देश कंगाल बनाउने भन्ने सोचमा हुनुहुन्छ । सत्ताबाट प्रतिपक्षमा पुगेको पीडा कांग्रेस नेताहरुको पीडाबाट उहाँ पनि अछुतो हुनुहुन्न । त्यसैले अमानवीय ब्यवहार गरी अस्पताल बन्द गर्दै हडेका चिकित्स र बिदेसी डलरमा रमाउने एकाध झुण्डको आन्दोलनमा पुगेर थापाले घोषणा गर्नुभयो, ‘डा केसी फकिर हुन, उनलाई केही पनि चाहिँदैन, बिदा फारम नभरे पनि हुन्छ, उनले जे गरिरहेछन, त्यही संबिधान र कानून हो ।’ थापाको तर्क सुनेर झुण्डको भीडबाट ताली त बज्यो तर जे गरिरहेछन, त्यही सही हो भन्दै अधनायकवाद भन्नसमेत थापाले छाडनु भएन ।

थापाले मेडिकल कलेज खोल्ने कुरा पानीजहाज ल्याउने गफ जस्तो नभएको भन्दै प्रधानमन्त्री केपी शर्मा ओलीलाई उडाउने कामसमेत गर्नुभयो । मेडिकल शिक्षा सम्बन्धि विधेयक माथेमा आयोगको प्रतिवेदन अनुसारनै ल्याउनुपर्ने पनि थापाको जोड थियो । माथेमा आयोगको प्रतिवेदन थापाले मात्रै पढनु भएको छैन । माथेमा आयोगको प्रतिवेदनमा डा. केसी जस्ता सरकारी छात्रबृत्तिमा बढेर दुर्गम नजाने शैलीको कटु आलोचना गर्दै चिकित्सकको बदमासीलाई लामो ब्याख्या गरेको छ । तर थापाले आफूले पढेको, अरुले हेर्दै नहेरे जसरी सेलिब्रेटी बन्ने चर्को भाषण दिनुभयो ।

अधिकांश कांग्रेस नेताको मेडिकल कलेज रहेको यथार्थबीच थापाले अव काठमाडौंमा कुनै पनि कलेज नचाहिने घोषणा पनि गर्नुभयो । उहाँको यो घोषणा कांग्रेस नेताको सिन्डिकेटवाला मेडिकलले जति गरिव चुस्दा पनि जनताबाट निर्वाचित सरकारले केही गर्न हुन्न भन्ने वकालत हो । बिदा फारम नभरी मुन्नाभाई जहाँ खडा हुए, वही लाइन भने जसरी डा केसी जे गर्छन, कानून र बिधि अनुसार हेर्न हुन्न भन्ने थापाले तर्क गर्नुभयो । ‘जसले आफ्नो जिवन छोड्ने आट गरेर हिडेको छ । उसलाई एउटा जागिर छोड्न कुनै समस्या छैन । डा। केसी फकिर हो जोगी हो उसलाई कुनै लोभ र मोह छैन,’ थापाले घोषणा गर्नुभयो । आफू काठमाडौंको जनप्रतिनिधिको हैसियतमा बोलेको भन्दै अव काठमाडौंलाई केही नचाहिने घोषणासमेत गर्न थापाले छाडनु भएन ।

पछिल्लो केही साता यता कांग्रेस नेता गगन थापाले सरकारबिरुद्ध प्रचार गर्न बिदेसी फण्ड प्रयोग गरिरहनु भएको छ । प्रधानमन्त्री ओलीको चरित्र हत्या गर्न पनि उहाँ आफै संलग्न हुनुभएको तथ्य फेसबुकमा गगन थापा फ्यान क्लवको नाममा आइरहेको आपत्तिजनक पोष्टले देखाइरहेको छ । सभ्य समाजमा पच्न नसक्ने काम थापाको फ्यान क्लवले प्रचार गरिरहेको छ । यतिसम्म कि बाढी पहिरो र डुवानबाट पीडामा रहेका भक्तपुरका जनतालाई अपमानित गर्दै थापाले योजनावद्ध रुपमा अघि सारेको गगन थापा फ्यान क्वलले पानी जाहाज आयो भन्दै प्रचार गर्यो । यो काम थापाकै नेतृत्वमा भइरहेको छ ।

थापाको फ्यान क्वल यति निकृष्ट ढंगले प्रस्तुत हुन थालेको छ कि, कँही पहिरो आएर मानिस मर्दासमेत ओली सरकारमाथि धारेहात लगाउँदै पोष्ट गर्न थालिएको छ । काठमाडौंको सांग्रिला होटलमा अमेरिकी पण्डिङमा भेला गराएरु अधिनायकवाद आयो भन्न लगाउने कामको नेतृत्व पनि थापाले नै गरेको तथ्य उपस्थितहरुले नै खोलिसकेका छन ।

#जनता टाइम्स