चितवन, २९ असार। सामान्य पानी पर्दासमेत नारायणगढ–मुग्लिन सडकखण्डमा पहिरो खस्न थालेपछि यात्रामा दिनहुँ जोखिम बढेको छ । वर्षात सूरु भएदेखिनै दैनिक पहिरो खस्दै आएको छ ।
एकै दिनमा साना ठूला गरी चार वटासम्म पहिरो खस्ने गरेको छ । दिन दिनै उक्त बाटोमा जोखिम बढ्न थालेपछि आज चितवनका प्रमुख जिल्ला अधिकारी जितेन्द्र बस्नेत, चितवनका प्रहरी उपरीक्षक शुसिलसिंह राठौर, सशस्त्र प्रहरी उपरीक्षक सुवर्ण थापामगर, राष्ट्रिय अनुसन्धान विभाग चितवनका प्रमुख कुलबहादुर खड्का, जिल्ला ट्राफिक प्रहरी कार्यालय चितवनका प्रहरी नायव निरीक्षक मुनेन्द्र थापालगायतको टोलीले निरीक्षण गरेको छ ।
नारायणगढ मुग्लिन सडक भासिएपछि चितवनका प्रमुख जिल्लाअधिकारी जितेन्द्र बस्नेतले शुक्रबार निरीक्षण गरेका हुन। सडक भासिएको स्थान १७ किलोमा पुगेर उनले यात्रुले दुःख नपाउने गरी काम गर्न निर्देशन समेत दिएको छु प्रमुख जिल्ला अधिकारी बस्नेतले भने ।
सडकका अन्य भागमा पनि सानातिना पहिरो खस्ने क्रम शुरु रोकिएको छैन । दैनिकजसो साना ठूला पहिरो र ढुंगा खसेको भन्दै चालकलाई एक अर्को सवारी साधनको बीचमा दूरी राखेर सवारी चलाउन, अगाडि हेरेरमात्रै जान, बाटोको अवस्था बुझेर हिँड्न, उछिन्र नजान आग्रह गरिएको प्रहरी उपरीक्षक शुसिलसिंह राठौर बताए ।
अधिकांश ठाउँमा भित्तो काटिएकाले माटो कमलो भएको छ भने कतिपय ढुंगा र ढिस्को झर्ने अवस्थामा छन् ।
राठौरका अनुसार सो सडकका १८ ठाउँमा पहिरोको उच्च जोखिम रहेको र सडक भासिएको स्थानमा तत्काल ध्यान नदिने हो भने राजधानी संग सडकमार्ग विच्छेद हुन सक्ने बताए ।
भासिएको स्थान अति नै संवेदनशील रहेका छ । गतवर्ष असार ८ गते राति कालीखोला नजिकै पहिरोमा प्रहरी भ्यान पर्दा चारजना प्रहरीको मृत्यु भएको थियो । वर्षाद् हुनुअघि गतवर्ष पनि समय समयमा सुख्खा पहिरो खसेसँगै कतिपय सवारी साधनमा क्षति पुगेको थियो भने यात्रुले दुःख पाएका थिए ।
प्रतिक्रिया दिनुहोस्