लुम्बिनी, २१ जेठ । बुद्धजन्म स्थल लुम्बिनीलाई तीन बर्गकिलोमीटर बुद्धकालीन सुन्दर बगैचा बनाउने चर्चा चलिरहेको बखत जंगल झाडी कसैका लागि सुन्दर बगैचा कसैका लागि अभिशाप नै बनेको छ ।

प्राप्त समाचार अनुसार कोष स्थित लुम्बिनीग्राम भित्र पूर्ब पश्चिम सीशौझाडी बीचमा डेढ किलोमीटर एशियन हाईवेबाट एक नव बिबाहित दम्पती यात्रा गरिरहेको बखत शनिवार साँझ पौने सात बजे श्रीमान माथि कूटपीट गर्दै श्रीमती माथि बलत्कारको असफल प्रयास भएको हो ।

आफू साईकल मार्फत एशियन हाईवेबाट यात्रा गरिरहेको बखत लुम्बिनी साँस्कृतिक नगरपालिका वडा नं. ६ बस्ने २२ बर्षीय जमालुद्दीन मुसलमानको नेतृत्वमा अन्य तीन जना युवाहरु घेरा हाली आफूलाई कूटपीट पश्चात श्रीमतीलाई धकेल्दै झाडी भित्र लैजान खोज्दा प्रहरीलाई खबर गर्दा प्रहरीले उद्धार गरेको गैडहवा गाँउपालिका वडा नं. ८ हसनापुर निवासी पीडित २१ बर्षीय प्रमोद यादवले जानकारी गराए ।

नवदम्पत्तीलाई उद्धार पश्चात अन्य तीन जनालाई केरकार गरि छाडेर नेतृत्वकर्ता जमालुद्दीनलाई प्रहरी नियन्त्रणमा राखी सार्बजनिक अपराध ऐन अन्र्तगत कानूनी कार्यवाही प्रक्रिया अघि बढाउने तयारी भईरहेको ईलाका प्रहरी कार्यालय प्रमुख प्रहरी निरीक्षक शंकरपोखरेलले बताए ।

यद्यपि आफूहरुले जर्बजस्तीकरणीको प्रयास सम्बन्धमा मुद्दा दर्ता गराउन खोज्दा प्रहरीले आफै सार्बजनिक मुद्दा लेख्न लगाई प्रहरीकोठा भित्रै हस्ताक्षर गर्न लगाउदा पीडित पक्षले असन्तुष्टी जाहेर गरेको छ ।

सो सम्बन्धमा प्रनि पोखरेलसंग बुझन खोज्दा उनले श्रीमान छदाछदै बलत्कारको प्रयास हुनै नसक्ने बताउँदै प्रमाण नपुगेर सार्बजनिक अपराध ऐन अन्र्तगत मुद्दा प्रक्रिया अघि बढाईएको बताए । उनले नवदम्पती देखेर मुसलमानले सिटी बजाए पछि दुबै पक्ष बीच बिबाद भई कूटपीट लछारपछार भएको र युवतीमाथि पनि संबेदनशील अंगमा हातपात भएपछि आक्रोशमा पीडित पक्षले जर्बजस्तीकरणी प्रयासको मुद्दा दर्ता गराउन खोजेको बताए ।