पोखरा, २० जेठ । प्रदेश नं ४ लाई तमुवान-मगरात नामाङ्कन गर्न माग गर्दै कास्कीका आदिबासी जनजातिहरुले प्रदेश नं ४ का उपसभामुख शृजना शर्मा र संसदीय दलका नेताहरुलाई ज्ञापनपत्र बुझाएका छन ।

आईतबार तमुवान-मगरात संघर्ष समितिका संयोजक कर्म तमु लगायतले उक्त ज्ञापन पत्र सभामुख शृजना शर्मालाई बुझाएका हुन ।

सो ज्ञापनपत्रमा सामाजिक र साँस्कृतिक गतिविधी मै रमाउने आदिवासी जनजातिहरुको प्हिचानसँग जोडिने तमुवान-मगराँत प्रदेशको नामाकरण हुनुपर्ने उल्लेख गरिएको छ । तमुवान-मगरात संघर्ष समितिका संयोजक कर्म तमुले कटौती गरिएको आदिवासी जनजातिका चार्डपर्वको विदा पुनःदिलाउन, र आदिवासी जनजातिका भाषाहरुलाई सरकारी कामकाजको भाषा बनाउन माग गरिएको बताउछिन ।

राजनीतिक अधिकार प्राप्त नगरेसम्म दोश्रो दर्जाकै नागरिकको रुपमा पिडाबोध गरिरहनुपर्ने चेतना जागृत भएको समेत तुमले बताए ।

‘आफ्ना मागहरु प्रदेश सरकार र प्रदेश सभाले सम्बोधन नगरे थप आन्दोलित हुने चेतावनीसहित पोखराको चिप्लेढुंगाबाट र्याली शुरु भई महेन्द्रपुल भिमसेनचोक, पालिखेचोक, नदिपुर हुदै प्रदेशसभाको प्रवेशद्धार अघि पुगेर कोणसभा परिणत भएको थियो ।

यता उक्त ज्ञापनपत्र बुझ्दै उपसभामुख शर्माले आफ्नो तर्फबाट सक्दो पहलकदमी थाल्ने बताए । उनले जनमतद्धारा आफुहरु निर्बाचित भएकोे बताउदै जनताको आकांक्षा अनुरुप प्रदेशको नामाकरण गर्न सदनमा छलफल गर्ने बताए । नामाकरणको लागी छलफल पश्चात निश्कर्ष निकाल्ने उपसभामुख शर्माले बताईन ।

पोखरामा ऐतिहासिकरुपमा प्रर्दशन गरिएको सो याली सांकेतिक मात्र भएको नेपाल बिद्यार्थी सँघ कास्कीका अध्यक्ष दिनेश रोका मगर बताउछन । उनले ज्ञापन पत्रमा उल्लेखित मागहरु सम्बोधन नभए आफ्नो समुदायको अधिकारका लागि सडक तताउन समेत तयार रहेको बताउछन ।

बिभिन्न राजनैतिक दलहरुले बिगतमा पहिचान सहितको संघीयताको नारालाई बोकी सँघर्ष गर्दा कैयौं नेपालीले बलिदानी दिईसकेका छन । फेरी प्रदेश नं ४ को नामाकरण तमुवान मगरात हुनुपर्ने भन्दै कास्कीका जनजातिहरु आन्दोलित हुन थालेपछि मुलुक धरापमा पर्ने हो कि भन्ने चिन्ता बढ्न थालेको छ, त्यसैले सम्बन्धित निकायले त्यसतर्फ समयमै ध्यान दिन जरुरी देखिन्छ ।