मंगलबार राति पौने १० बजे बा ५७ प ६३११ नम्बरको मोटरसाइकलले बा २९ प २६०८ नम्बरको मोटरसाइकललाई ठक्कर दिंदा २६०८ नम्बरको मोटरसाइकलमा पछाडि सवार काठमाडौं पुतलीसडक बस्ने ७० वर्षीया पूर्ण केशरी कंशाकारको मृत्यु भएको प्रहरीले जनाएको छ ।
उनको उपचारको क्रममा मोडेल अस्पताल बागबजारमा मंगलबार राति सवा १० बजे मृत्यु भएको हो । दुर्घटनामा सामान्य घाइते भएका २६०८ नम्बरको मोटरसाइकलका चालक ४० वर्षीय प्रमोदवीर सिंह कंशाकारको सोही अस्पतालमा उपचार भइरहेको छ ।
दुवै सवारी साधन र बा ५७ प ६३११ नम्बरको मोटरसाइकल चालकलाई महानगरीय प्रहरी वृत सिंहदरवारले नियन्त्रणमा लिएको छ ।
प्रतिक्रिया दिनुहोस्