काठमाडौं, १० वैशाख । प्रमुख निर्वाचन आयुक्त अयोधि प्रसाद यादवको घरमा आइतबार बेलुका प्रेसर कुकर बम विस्फोट भएको छ । यादबको ललितपुरको धापाखेलस्थित घरमा भएको बिष्फोटको घटना अझै रहस्यमै छ। घटनामा संलग्न कसैलाई प्रहरीले पक्राउ गर्न सकेको छैन।
बिष्फोटपछि प्रमुख यादबले रुँदै सरकारले सुरक्षा दिन नसकेको बताएका छन्। यादवलाई गृहले दिएको सुरक्षाकर्मीलाई फिर्ता बोलाउदा यस्तो घटना भएको गुनासो गरे ।
बिष्फोटमा घरको मुल ढोका तथा झ्यालका सिसाहरु फुटेका छन्। कमाण्डको पर्खाल पनि भत्किएको छ।
बिष्फोटको समय यादब घरमै थिए। उनका पिएसओका रुपमा खटाइएका २ प्रहरी पनि घरमै थिए।
घटनापछि उनको निवासको सुरक्षामा थप दुई प्रहरी खटाइएको महानगरीय प्रहरी वृत्त सातदोबाटोका डिएसपी बिनोद सिलवालले बताए।
बिष्फोट कसले गर्यो भन्ने खुलेको छ। यादब परिवारले केही शंका लागेका व्यक्तिको नाम लिएका छन्। बिष्फोटमा संलग्नहरुमाथि अनुसन्धान भइरहेको प्रहरीले जनाएको छ। भिडियो-
प्रतिक्रिया दिनुहोस्