चितवन ,३ बैशाख। चितवनको लोथरबाट सशस्त्र प्रहरीले करिब १ क्विन्टल गाजाँ बरामद गरी नष्ट गरेको छ । सशस्त्र प्रहरी बल गढिमाई गण भण्डाराले सोमवार पूर्वी चितवनको राप्ती नगरपालिका वडा नम्बर १ लोथरस्थित परेवाश्वरी सामुदायिक वनबाट ९६ केजी अबैध लागु औषध बरामद गरेको हो ।
गढिमाई गण भण्डाराका प्रहरी नायब निरीक्षक उत्तर वाईवाको नेतृत्वमा खटिएको प्रहरी टोलीले बिहान चार बजे सो परिमाणको गाँजा बरामद गरेको हो ।
मकवानपुरको राक्सिराङबाट बजार लैजान परेवाश्वरी वनमा लुकाएर राखेको अबस्थामा गाँजा बरामद गरिएको गणका निमित्त प्रमुख सशस्त्र प्रहरी नायब उपरीक्षक राजु पाण्डेले जानकारी दिए । सो गाँजा सशस्त्र प्रहरीले सोमबार नै नष्ट गरेको छ ।
सशस्त्र प्रहरीले राप्ती नगरपालिकाको प्रतिनिधि , नेपाल प्रहरी र पत्रकारहरुको रोहवरमो गाँजा नष्ट गरेको हो । गणले गत फागुनमा पनि मकवानपुरको राक्सिराङबाट २ क्विन्टल अबैध गाँजा बरामद गरी नष्ट गरेको थियो ।
प्रतिक्रिया दिनुहोस्