काठमाडौं ६ जेष्ठ । प्रतिनिधिसभाको बैठक आज बिहान ११ः०० बजे बस्दैछ । बैठकमा प्रधानमन्त्री तथा गृहमन्त्री बालेन्द्र शाह को तर्फबाट कानून, न्याय तथा संसदीय मामिला मन्त्री सोबिता गौतम ले “प्रतिनिधि सभा सदस्य निर्वाचन (पहिलो संशोधन) विधेयक, २०८३” प्रस्तुत गर्न अनुमति माग्ने प्रस्ताव पेश गर्ने कार्यसूची रहेको छ ।

त्यसपछि उक्त विधेयक प्रतिनिधिसभामा प्रस्तुत गरिनेछ । साथै, “मतदाता नामावली (पहिलो संशोधन) विधेयक, २०८३” प्रस्तुत गर्न अनुमति माग्ने तथा सो विधेयक संसद्मा पेश गर्ने कार्यसूची पनि रहेको संसद् सचिवालयले जनाएको छ ।

यसअघि मंगलबार बसेको प्रतिनिधिसभा बैठकमा आगामी आर्थिक वर्षको विनियोजन विधेयकका सिद्धान्त र प्राथमिकता (कर प्रस्तावबाहेक) माथि छलफल भएको थियो । छलफलमा उठेका जिज्ञासामाथि अर्थमन्त्री स्वर्णिम वाग्ले ले जवाफ दिएका थिए ।

अर्थमन्त्री वाग्लेले गत वैशाख ३१ गते प्रतिनिधिसभामा आगामी आर्थिक वर्षको बजेटका सिद्धान्त र प्राथमिकता प्रस्तुत गरेका थिए ।