ललितपुर । ललितपुर क्षेत्र नम्बर १ बाट राष्ट्रिय स्वतन्त्र पार्टी (रास्वपा) का उम्मेदवार बुद्धरत्न महर्जन निर्वाचित भएका छन्।

नेपाली कांग्रेसका सहमहामन्त्री उदयशम्शेर राणालाई १० हजारभन्दा बढी मतान्तरले पराजित गर्दै महर्जन प्रतिनिधिसभा सदस्यमा विजयी भएका हुन्। महर्जनले २३ हजार ३७३ मत प्राप्त गरे भने राणाले १३ हजार ५२० मत पाए।

यसैगरी नेकपा (एमाले) का उम्मेदवार चेतनाथ सञ्जेलले ६ हजार ५४६ मत प्राप्त गरेका छन्।

महर्जन अघिल्लो प्रतिनिधिसभा निर्वाचनमा रास्वपाबाट ललितपुर क्षेत्र नम्बर २ मा उम्मेदवार बनेका थिए तर त्यसबेला एमालेसँग पराजित भएका थिए।

गत निर्वाचनमा भने यही क्षेत्रबाट नेपाली कांग्रेसका राणा निर्वाचित भएका थिए। उनी २०७० सालको निर्वाचनमा पनि सोही क्षेत्रबाट निर्वाचित भएका थिए भने २०७४ सालमा एमालेका नवराज सिलवालले राणालाई पराजित गर्दै सो क्षेत्रबाट जीत हासिल गरेका थिए।