सर्लाही, १५ चैत । दुई नम्बर प्रदेश को समग्र विकासको लागी आर्थिक शिखर सम्मेलन गर्ने तयारी भएको कुरा नेकपा एमालेका वरिष्ठ नेता एवम पुर्ब प्रधानमन्त्री माधबकुमार नेपालले बताउनुभएको छ।

बिहिबार सर्लाहीको हरिवनमा अनेरास्ववियु दुई नम्बर प्रदेशले संघियतामा शिक्षा बिषयक अन्तरक्रिया र प्रतिनिधी तथा प्रदेश सभाका सदस्यहरुलाई सम्मान कार्यक्रमलाई सम्बोधन गर्न सर्लाही आईपुग्नुभएका नेता नेपालले प्रेस चौतारी सर्लाहीले आयोजना गरेको पत्रकार भेट्घाट कार्यक्रममा पत्रकारसंग कुरा गर्दै यस्तो बताउनुभएको हो ।

दुई नम्बर प्रदेशमा देखिएको भ्रष्टचारको अन्त कानुनी शुशासनको निर्माण गर्नको लागी पनि उधमी, बुद्दिजिबी,आठै जिल्लाका सांसद पार्टीका वरिष्ठ नेता लगायतको सहभागितामा यस क्षेत्रका समस्या पहिचान गरि यहाका बिशेषतालाई उजागार गर्नको लागी पनि आर्थिक शिखर सम्मेलनको जरुरी रहेको नेता नेपालको भनाई थियो ।

सम्मेलनबाट समस्या पहिचान गर्दै सम्भावना बोकेका कृषि ,पर्यटन ,शिक्षा स्वास्थ्य मा लगानी गर्दै यस क्षेत्रका बिकृती बिसंगतीको अन्त र युवालाई रोजगारीको सिर्जना गर्नु अपरिहार्य रहेको समेत बताए ।

त्यस्तै पत्रकार हरुले दुई बाम शक्ती बिच एकता प्रक्रिया के हुदैछ भन्ने सोधेको प्रश्नको जबाफ दिदै नेपालले दुई शक्ती बिच यसै हप्ता भित्र पार्टीको एकता हुन लागेको हुदा अन्यथा नसोच्न समेत आग्रह गरेका थिए ।

प्रधानमन्त्रीको भारत भ्रमण अहिले नै किन भन्ने फरक प्रश्नमा रात रहे अग्राख पलाउछ भन्ने उखान तुक्कालाई जोड्दै शुभकार्यलाई किन ढिलो गर्नु भन्दै दुई पार्टीको एकता पछि प्रधानमन्त्रीले भारत भ्रमण गर्न लाग्नुभएको समेत उहाको भनाई थियो ।

संबिधानमा भएको केहि त्रुटीहरुको संसोधन गरि संघिय समाजबादी फोरम र राजपा लाई समेत सरकारमा ल्याउने तयारी भैरहेको बताउनु हुदै त्यसको तयारीमा समेत सरकार र पार्टी अघि गृहकार्य मा जुटि सकेको भनाई थियो।

प्रेश चौतारी सर्लाहीले गरेको पत्रकार भेट्घाट कार्यक्रम पछि आजै नेपालले हरिवनमा रहेको चतुर्भुजेश्वर जनता बहुमुखी क्याम्पस स्वबियुले आयोजना गरेको छात्रवृत्ति कार्यक्रममा छात्रबृती बितरण गर्नुका साथै सगुन शिक्षा आबशिय माबीको अबलोकन र अनेरास्वबियु दुई नम्बर प्रदेशले हरिवनमा गरेको संघियतामा शिक्षा बहस र सम्मान कार्यक्रमलाई समेत सम्बोधन गरि आजै काठमाण्डौ फर्कीनु भएको प्रेस चौतारीका अध्यक्ष अच्युतम सापकोटाले जानकारी दिएका छ्न ।