बुटवल, ४ चैत्र ।
रुपन्देही स्थित गौतमवुद्ध विमानस्थलमा आज एति एयरको विमान दुर्घटना भएको छ । रन वेमा बिमान दुर्घटना भएपनि विमानमा रहेका २६ जना यात्रु र चालक दलका सदस्य भने सकुसल रहेका छन् ।
काठमाडौंबाट आएको विमान रन वे मा गुडिरहेका बेला चक्का लग हुदा विमान दुर्घटनाग्रस्त भएको बताईएको छ ।
रुपन्देहीका प्रहरी प्रमुख श्याम ज्ञवालीका अनुसार काठमाडौंबाट ४: ४० मा उडेको जुलेट चार्ली विमान ५ : ११ मा भैरहवा विमानस्थलमा अवतरण हुने क्रममा दुर्घटना भएको थियो । विमान दुर्घटना लगत्तै विमानस्थल अहिले बन्द भएको छ ।
रनवेमा ठप्प भएको बिमान हटाउन समय लाग्ने भएकाले बिमानस्थल ठप्प भएको छ ।