काठमाडौं १५ भदौ । नेपाल उद्योग बाणिज्य संघका पूर्व अध्यक्ष कुशकुमार जोशीले के व्यवसायीहरु हामीले घुस नखुवाइकन र सेटिंग नगरीकन व्यवसाय गर्न तयार छौं भन्न सक्छौं त भन्दै व्यवसायिक क्षेत्रलाई नै गम्भीर प्रश्न गरेका छन् । राष्ट्रिय व्यवसायिक पहलको नेतृत्व गरिरहेका जोशीले बर्तमान अवस्थामा अघिपछि नहेरिकन विचौलियामार्फत सेटिंग मिलाएर एउटै टपरटुइंयाले सवै थोक लिने भएपछि बांकी व्यवसायी कसरी टिक्ने भन्ने चुनौति खडाभएको बताए । जोशीले एबीसी टेलिभिजनको कार्यक्रम ‘आउटलुक विजनेश‘का लागि प्रधानसम्पादक शुभशंकर कँडेलसँग कुरा गर्दै विचौलियाहरुलाई राजनीतिक नेतृत्वले संरक्षण मात्र होइन उक्साएर जसरी पनि पैसा कमाउने भन्ने प्रवृत्तिले आफूहरुजस्तो जिम्मेवार व्यवसाय गर्नु पर्छ भन्ने व्यवसायीहरुलाई चिन्तित बनाएको अनुभव सुनाए ।
जोशीसँगको विस्तृत कुराकानी शुक्रबार राती एबीसी टेलिभिजनबाट प्रसारण भएको थियो । यसको भिडियो लिंक यहाँ दिइएको छ ।