काठमाडौं १ साउन, । प्रधानमन्त्री केपी ओली सरकारी निवास बालुवाटार सरेका छन् ।
सोमबार प्रधानमन्त्रीको शपथग्रहणकै दिन उनी बालुवाटार निवास सरेका हुन् ।ओलीका प्रमुख स्वकीय सचिव राजेश बज्राचार्यका अनुसार सोमबार दिनभरिको काम सकेर ओली बालुवाटार पुगिसकेका छन् ।
सोमबार बालकोट निवासबाट शपथग्रहणका लागि राष्ट्रपति कार्यालय शीतल निवास पुगेका प्रधानमन्त्री ओली त्यसपछि सहिद स्मारक गएका थिए । फर्केर एमाले कार्यालय च्यासल गए । सिंहदरबारमा पदभार ग्रहण गर्दै मन्त्रिपरिषद् बैठक राखे । साँझ उनी बालुवाटार निवास पुगेका हुन् ।
यस अघिका प्रधानमन्त्री प्रचण्ड पनि विश्वसाको मत असफल भएकै दिन आफ्नो निजी निवास खुमलटार सरिसकेका थिए ।
प्रतिक्रिया दिनुहोस्