काठमाडौं २२ असार । शुक्रबार राति प्रसारित भएको एक प्रतिकारात्मक अन्तर्वार्तामा, राष्ट्रपति बाइडनले उनको स्वास्थ्य र पुनः चुनावको दौड बारेमा शंका र चिन्ताहरूलाई खारेज गरेका छन् र केवल ‘प्रभु सर्वशक्तिमान’ ले मात्र उनलाई दौडबाट हटाउन सक्नेछ ।

अमेरिकी टेलिभिजन एबीसी न्यूजका जर्ज स्टेफानोफ्लोसले बाइडनलाई बारम्बार उनको स्वास्थ्य र, अलिकति नाजुक अवस्था र उनले चुनाव जित्ने क्षमता बारेमा प्रश्न गरेका थिए। बाइडनले — मुस्कुराउँदै, तर स्पष्ट रूपमा रक्षात्मक रुपमा आफ्नो पहिलो कार्यकालको रेकर्ड दोहोर्याउँदै जवाफ दिएका थिए ।

यो अन्तर्वार्ता गत हप्ता उनको निराशाजनक टेलिभिनज बहस प्रदर्शनले उनको पुनः चुनावी उमेद्वारका बारेमा देखिएको अनिश्चितताको केही दिन पछि आएको हो। बाइडनले उनको प्रदर्शनलाई थकानको कारण भएको स्पष्टीकरण दिए । ‘म बिरामी थिएँस म असाध्यै खराब महसुस गर्दै थिएँ।’

राष्ट्रपति बाइडनले आफ्नो खतरामा रहेको पुनःनिर्वाचन प्रयास बचाउन शुक्रबार संघर्ष गरिरहेका बेला, स्वतन्त्र चिकित्सा मूल्याङ्कन लिन बारम्बार अस्वीकार गरे । यसो गरको भए मतदाताहरूलाई अर्को कार्यकालको सेवा गर्न सक्षम भएको देखाउन मद्धत गर्ने थियो। उनले आफ्नो विनाशकारी बहस प्रदर्शनलाई ‘खराब घटना’ भने र ‘गम्भीर अवस्थाको कुनै संकेत छैन’ भन्ने स्पष्टीकरण दिए ।

‘हेर्नुहोस्, म हरेक दिन एक संज्ञानात्मक परीक्षण गर्छु,’ बाइडनले एबीसीका जर्ज स्टेफानोफ्लोसलाई – दैनिक सामना गर्ने कार्यहरूको उल्लेख गर्दै भने, ‘हरेक दिन, मैले परीक्षणहरू गरेको छु। म गर्ने सबै कुरा।’

उनी बलियो नै रहेको र ‘अझै राम्रो अवस्थामा’ रहेकोमा अडिग रहे। उनले दावी गरेका छन् – उनीमाथि निजी डाक्टरहरूको ‘निरन्तर मूल्याङ्कन’ भइरहेको छ र यदि केही गलत भएमा तिनीहरूले ‘नहिचकिचाई मलाई बताउने’ गर्छन्।

बहसको सन्दर्भमा, बाइडनले भने, ‘म तयारीको क्रममा आफ्नो अन्तर्ज्ञान सुन्न सकिन।’

अन्तर्वार्ता प्रसारित हुनुअघि, स्टेफानोफ्लोसले क्यामेरामा जानकारी दिएका थिए – यो सम्पादित नभएको अन्तर्वार्ता थियो। ‘कुनै कट, कुनै सम्पादन छैन। हामीले यसलाई छोएका छैनौं।’ न्यूयोर्क टाइम्सले उल्लेख गरेको। छ।

बाइडनले उनको बहस प्रदर्शन ‘ कमजोर हुनुमा मेरो बाहेक कसैको गल्ती’ नभएको बताएका थिए । ,’तर पूर्व राष्ट्रपति डोनाल्ड जे. ट्रम्पको आक्रामक झूटले उनलाई असन्तुलित बनाएको बताए । ‘मलाई एउटा खराब रात मात्र भएको रुपमा हेरेको छु,’ उनले भने।

एबीसी अन्तर्वार्ताले बाइडनको शुक्रबार बिहान विस्कन्सिनमा भएको अभियान कार्यक्रममा संक्षिप्त, तर उत्साही, भाषणलाई नै पछ्याएको छ ।

‘म यो दौडमा रहन्छु,’ बाइडनले सभामा भने , उत्साहका साथ। ‘मेरो एउटा ९०–मिनेटको बहसले साढे तीन वर्षको कामलाई समाप्त गर्न दिनेछैन।’

त्यो २२ मिनेटको अन्तर्वार्ता, जसमा साप्ताहान्तमा विस्कन्सिन र पेन्सिलभेनियामा भएको अभियान जोडिएको थियो, बाइडनको गत हप्ताको बहस प्रदर्शनबाट सुधार गर्ने कडा प्रयासको हिस्सा थियो। तर राष्ट्रपतिको प्रयासले पार्टीको आन्तरिक निराशालाई फेरि पनि शान्त पार्न सकेको छैन । एक प्रभावशाली डेमोक्र्याटिक सिनेटरले राष्ट्रपति दौडबाट बाहिर निस्कन प्रोत्साहित गर्ने प्रारम्भिक प्रयासमा काम गरिरहेका छन । डेमोक्र्याटहरूले राष्ट्रपति बाहिरिएमा कता जाने भनेर चुपचाप छलफल गरिरहेका थिए – वा उनी बसे भने यसको अर्थ के हुने भन्नेमा उनीहरुले छलफल गरिरहेका छन् ।

विस्कन्सिनमा एयर फोर्स वन चढ्नुअघि, राष्ट्रपति बाइडनले जम्मा भएका पत्रकारहरूलाई भनेः ‘तपाईंहरू अहिलेसम्म सबै कुरामा गलत हुनुहुन्थ्यो, तपाईंहरू २०२० मा गलत हुनुहुन्थ्यो, तपाईंहरू २०२२ मा गलत हुनुहुन्थ्यो। हामी समाप्त हुनेवाला थियौं—रातो छालको सम्झना छः तपाईंहरू २०२३ मा गलत हुनुहुन्थ्यो।’ बाइडनले बुधबार भेटेका सबै डेमोक्रेटिक गभर्नरहरूले उनलाई दौडमा रहन आग्रह गरेको बताए। उत्तराधिकार योजनाबारे सोध्दा उनले भनेः ‘ हाम्रा उत्तराधिकार योजनाहरू छन्। तर अहिले मलाई किन उत्तराधिकार योजना चाहियो ?

डेमोक्रेटिक चिन्ताः म्यासाचुसेट्सका प्रतिनिधि सेठ मोल्टन र इलिनोइसका माइक क्विग्ली क्रमशः तेस्रो र चौथो हाउस डेमोक्रेट्स का रुपमा वाइडनले उमेद्वारी त्याग्नु पर्ने बताएका छन् । भर्जिनियाका सिनेटर मार्क वार्नर राष्ट्रपति बाइडनको भविष्यबारे कुरा गर्न अन्य डेमोक्रेटिक सिनेटरहरूलाई भेला गराउने प्रयास गरिरहेका छन्, यो प्रयासबारे प्रत्यक्ष जनाकारी भएका पाँच व्यक्तिहरूले बताएका छन् । न्यूयोर्कका डेमोक्रेट र अल्पसंख्यक नेता, प्रतिनिधि हकीम जेफ्रीजले वरिष्ठ हाउस डेमोक्रेट्ससँग आइतबार भर्चुअल बैठकको तालिका बनाएका छन्। छुट्टै रूपमा, प्रमुख चन्दादाताहरूले बाइडनलाई पन्छाउन आह्वान गर्दैछन्।

ट्रम्पको प्रतिक्रियाः ट्रम्प यस हप्ता अधिकांश समय लो प्रोफाइलमा रहे, उनले बाइडनको संकटमा निर्बाध रूपमा ध्यान दिन दिनेछ। तर उनले जुलाई ४ मा सामाजिक सञ्जालमा एउटा सन्देश पोस्ट गर्दै, बाइडनलाई अपमानित गरे, जसलाई उनले बहसको क्रममा ूकुकुर जस्तै चोक भएकोू आरोप लगाए, र उपराष्ट्रपति कमला ह्यारिसलाई डेमोक्रेटिक टिकटमा बाइडनलाई प्रतिस्थापन गर्न सक्छिन्। ट्रम्पको अर्को निर्धारित सार्वजनिक अभियान उपस्थिति मंगलबार फ्लोरिडामा एक र्यालीमा हुनेछ।