काठमाडौं २१ असार । बेलायतमा भएका संसदीय निर्वाचमा लेबर पार्टीले भारी मतले चुनाव जित्ने एक्जिट पोलले देखाएको छ । यो चुनावले कन्जरभेटिभ पार्टीलाई १४ वर्षपछि सत्ताच्युत गर्नेछ । यो एक जबरजस्त ससत्ता विरोधी विद्रोह रहेको न्यूयोर्क टाइम्सले लेखेको छ । यो चुनावले बेलायती राजनीतिमा एक नयाँ युगको संकेत गरेको छ ।
बीबीसी र अन्य दुई प्रसारकहरूका लागि गरिएको राष्ट्रव्यापी एक्जिट पोलले लेबर पार्टीले बेलायती हाउस अफ कमन्सको ६५० सिटमध्ये लगभग ४१० सिट जित्ने अनुमान गरेको छ । जबकि सत्तारुढ दल कन्जरभेटिभले जमा १३१ सिटमा खुम्चिने भएको छ ।
यो कन्जरभेटिभहरूको लागि लगभग २०० वर्षको पार्टीको इतिहासमा सबैभन्दा खराब पराजय हुनेछ, जसले यसको भविष्य – र यहाँसम्म कि यसको अस्तित्वको बारेमा गम्भीर प्रश्नहरू उठाउने तर्कहरु विभिन्न मिडियाले विश्लेषण गरेका छन् । रिफोर्म यू.के., नयां आप्रवासन–विरोधी पार्टीले १३ सिट जित्ने अनुमान गरिएको छ । उसको भने यो उल्लेखनीय प्रदर्शन हो ।

बेलायतको एक्जिट पोल, जसले पछिल्ला पाँच वटा बेलायती आम चुनावहरूको नतिजालाई सही ढंगले भविष्यवाणी गरेको थियो । यसस पटक पनि विद्रोही मतदाताहरूको आवाजलाई प्रमाणित गरेको छ । कन्जरभेटिभहरूसँग पूर्ण रूपमा वाक्क भएका मतदातलो लेवरलाई रोजेका हुन् । यो अशान्त युगले कठोर मितव्ययिता, ब्रेक्जिट, कोभिड महामारी, प्रधानमन्त्री बोरिस जोनसनका श्रृंखलाबद्ध घोटालाहरू र उनकी उत्तराधिकारी लिज ट्रसका असफल कर–कटौती प्रस्तावहरू जस्ता उतार चढाव झेलेको थियो ।
लामो समयदेखि लेबर पार्टीको विजयको भविष्यवाणी गरिएको थियो – यसले कन्जरभेटिभहरूमाथि १८ महिनाभन्दा बढी समयदेखि दोहोरो अंकको मतदान अग्रता कायम राखेको थियो – तर टोरी पराजयको परिमाणले बेलायतमा महिनौं, मात्र होइन वर्षौंसम्म पनि प्रतिध्वनित हुने नतिजा आउने भएको छ ।
लेबर पार्टीले यभन्दा कहिल्यै प्राप्त गरेको सबैभन्दा धेरै सिट संख्याको रेकर्ड बराबर गर्ने अनुमान गरिएको थिएन । १९९७ मा टोनी ब्लेयरको भारी विजयमा ४१८ सिट जितेको थियो । लिबरल डेमोक्र्याट्सले पनि आफ्नो स्थिति सुधार गरेका छन् । २०१९ मा ११ सिटबाट बढेर यसपटक ६१ सिट जित्ने अनुमान गरिएको छ ।
मतगणना भइरहेको र शुक्रबार बिहान अन्तिम नतिजाको अपेक्षा गरिएको बेला, लेबर पार्टीको विजयले बेलायतलाई फ्रान्स र अन्य युरोपेली देशहरूमा फैलिरहेको कट्टर–दक्षिणपन्थी, लोकलुभावनवादी लहरसँग विपरीत स्थितिमा खडा गरेको छ । ।
लेबर नेता केइर स्टार्मर, प्रधानमन्त्री बन्ने तयारीमा छन्, । उनले भनेका छन् ूकार्यरत मानिसहरूको सेवामाू एक वित्तीय रूपमा विवेकशील, केन्द्रदेखि वामपन्थी सरकारको वाचा गरेका छन्।

बेलायतका अब हुने प्रधानमन्त्री को हुन् ? उनले नराम्रो छैन भन्ने देखाउनु पर्नेछ