सोसल मिडिया एडिक्सन :  संयुक्त राज्य अमेरिकाका सर्जन जनरल, डा. विवेक मुरथीले सामाजिक संजाल प्लेटफर्महरूमा चेतावनीका लेबल राख्न आह्वान गरेका छन् । यस्तो चेतावनीले अभिभावकहरूलाई किशोरावस्थामा मानसिक स्वास्थ्यमा नकारात्मक प्रभाव पार्न सक्ने बारे सचेत गराउँछ। यो प्रस्तावले युवा व्यक्तिहरूको मानसिक स्वास्थ्यमा सामाजिक संजालको नकारात्मक प्रभावको चिन्तालाई सम्बोधन गर्ने उद्देश्य राखेको छ । सजसमा यी प्लेटफर्महरू बालबालिकाको लागि सुरक्षित प्रमाणित गरिएको छैन भन्ने तथ्यलाई जोड दिनु पर्नेछ ।

डा. विवेक मुरथीले सामाजिक संजालको प्रयोगले किशोरहरूको मानसिक स्वास्थ्यमा हानि पुर्‍याउन सक्छ भन्ने चेतावनी अनिवार्य गर्न कांग्रेसलाई आग्रह गर्ने बताएका छन् ।

डा. मुरथीले यो प्रस्तावको उद्धेश्यमा लामो समयसम्म सामाजिक संजालमा समय बिताउने किशोरहरूको मानसिक स्वास्थ्य समस्याहरू देखाउँदै गरेको अनुसन्धानको निचोड रहेको छ । ग्यालपको सर्वेक्षणले देखाएको छः अमेरिकी किशोरहरूले युट्युब, टिकटक, र इन्स्टाग्राम जस्ता प्लेटफर्महरूमा औसतमा प्रति दिन ४.८ घण्टा विताउने गरेका छन् ।

डा. मुरथीको न्यूयोर्क टाइम्समा प्रकाशित निबन्धले सामाजिक संजालको जोखिमको सम्बोधन गर्ने आवश्यकतालाई सडक सुरक्षा र खाद्य सुरक्षाजस्ता अन्य ठूला सार्वजनिक स्वास्थ्य पहलहरूसँग तुलना गरेको छ। उनले यो मुद्दा खराब अभिभावकत्वको कारण नभएको औंल्याएका छन् । तर पर्याप्त सुरक्षा उपायहरू बिना शक्तिशाली प्रविधिहरूको परिणामस्वरूप यस्ता समस्या आएको कुरामा जोड दिएका छन् । उनले १९६५ मा चुरोटका प्याकेटहरूमा चेतावनीका लेबल लगाइएको ऐतिहासिक समानताहरूलाई पनि उल्लेख गरेका छन् । जसले दशकौंमा धूम्रपान दरलाई महत्वपूर्ण रूपमा घटाएको थियो।

म किन सोसल मिडिया प्लेटफर्महरूमा चेतावनी लेबल राख्न आह्वान गर्दैछु ? : डा. मुरथी

अनुसन्धानकर्ताहरूबीच सामाजिक संजालले प्रत्यक्ष रूपमा मानसिक स्वास्थ्य संकट ल्याएको हो कि होइन भन्ने विषयमा बहस चलिरहेको बेला, कतिपयले अन्य सामाजिक तनावहरूलाई औंल्याउँछन् । तर डा. मुरथीले लगातार यी प्लेटफर्महरूले पार्ने जोखिमहरूमा आफ्नो चिन्ता व्यक्त गरेका छन्। उनले २०२३ मा जारी गरेको सल्लाहमा सामाजिक संजालको प्रभावको जटिलतालाई स्वीकार्दै, सम्भावित जोखिमहरू र फाइदाहरू दुबैलाई पहिचान गरेर बालबालिकाको भलाइको संरक्षणका लागि तत्काल कदम चाल्न आह्वान गरेका छन्।

चेतावनी लेबलहरूको लागि उनको आह्वानले यो सार्वजनिक स्वास्थ्य चिन्तालाई सम्बोधन गर्ने उनको प्रयासहरूमा थप बल प्रदान गरेको छ । अभिभावकहरूलाई आफ्नो बालबालिकाको सामाजिक संजाल प्रयोगलाई सीमित गर्ने बारे सक्रिय कदम चाल्न र यी प्लेटफर्महरू युवा प्रयोगकर्ताहरूका लागि सुरक्षित बनाउन थप अनुसन्धान र नियमनको आवश्यकतालाई अरु बढी जोड दिएको छ।
न्यूयोर्क टाइम्सबाट ।