काठमाडौं, ८ फागुन । आज देशभर बन्दको प्रभाव न्यून रुपमा परेको छ । काठमाडौं उपत्यकासहित देशका धेरै ठाउँमा सामान्य रुपमा गाडी चलिरहेको छ। काठमाडौंबाट छुट्ने लामो दूरीका गाडी पनि सम्बन्धित ठाउँका लागि छुटिसकेको नेपाल प्रहरीले जनाएको छ ।
प्रहरी प्रवक्ता मनोज न्यौपानेले गाडी चलिरहेकाले ढुक्क भएर गाडी चलाउन आग्रह गर्नु भएको छ । आज मंगलबार नेत्र बिक्रम चन्द नेतृत्वको नेपाल कम्युनिष्ट पार्टीले बन्द आह्वान गरेको छ ।
बन्दको हल्ला भए पनि गाडी चलिरहेको र सुरक्षा व्यवस्था पनि कडा पारिएकाले नआत्तिन प्रहरी प्रवक्ता न्यौपानेको सुझाव छ । उहाँका अनुसार सडक अवरोध गर्न खोज्ने केही व्यक्ति पक्राउ परेका छन् ।
प्रतिक्रिया दिनुहोस्