बुटवल, ५ फागुन ।
अधिकांश सबै प्रदेशहरुमा सबै संबैधानीक पदहरुमा निर्बिरोध भएको भएपनि प्रदेशनम्बर ५ को उपसभामुख पदमा भने निर्वाचन हुने भएकोछ ।
बाम गठबन्धनको तर्फबाट एमाले प्रदेशसभा सदस्य कृष्णी थारुले उपसभामुख पदमा दर्ता गराउनुभएको उम्मेदवारी बिरुद्ध नेपाली कांगे्रसको तर्फबाट कपिलवस्तुकी रिना नेपाल बिकले उम्मेदवारी दर्ता गराएपछि ५ नम्बर प्रदेशको उपसभामुखमा निर्वाचन हुने भएका हो ।
गठबन्धनकी उम्मेदवार थारुले बिहान १० बजेर ३० मिनटमा उम्म्ेदवारी दर्ता गराउनुभएको थियो भने कांग्रेस उम्मेदवार बिकले १२ बजेर ५० मिनटमा उम्मेदवारी दर्ता गराउनुभएको थियो । प्रदेश संसद सचिवालयले आज १० बजेबाट २ बजे सम्म्का लागि उम्म्ेदवारी दर्ता गर्ने समय तोकेको थियो ।
प्रदेश संसद सचिवालयका सचिव मान बहादुर बिकले २ जना माननिय सभासदको उम्मेदवारी दर्ता गराउनु भएको र मत बिभाजनका आधारमा सचिवालयले निर्वाचन गराई भोलि उपसभामुख निर्वाचित हुने जानकारी दिनुभयो ।
उम्मेदवारी दर्ता लगत्तै पत्रकारहरुसंग कुरा गर्दै एमालेका तर्फबाट बर्दियाबाट समानुपातिक सभासद कृष्णी थारुले सबै दललाई समेटेर प्रदेशलाई समृद्दितर्फ लैजान आफ्नो भुमिका हुने बताउनुभयो ।
उता कांग्रेसको तर्फबाट कपिलवस्तुकी समानुपातिक प्रदेशसभा सदस्य रिना नेपाल बिकले संबिधानले उपसामुख र सभामुख फरक दल र फरक लिङ्गको हुनुपर्ने ब्यवस्था गरेको र एमाले माओबादी एक भएपछि उपसभामुख कांग्रेसले पाउनुपर्ने दाबी गर्नुभयो ।
संबिधानको १८२ मा संसदको सभामुख र उपसभामुख फरक दल र फरक लिङ्गको हुनुपर्ने ब्यवस्था गरेको छ । बाम उम्मेदवारको उम्मेदवारीमा एमाले मुख्य सचेतक भुमिश्वर ढकाल र माओबादी मुख्य सचेतक दधिराम न्यौपाने प्रस्तावक र समर्थक छन् भने कांग्रेस उम्मेदवारको प्रस्तावकमा सुरेन्द्र बहादुर हमाल र समर्थकमा रमा घिमीरे समर्थक बसेकाछन् ।
प्रदेश नम्बर ५ मा एमालेको ४१, माओबादी केन्द्रको २० र कांग्रेसबाट १९ जना प्रदेश सांसद छन् ।