तालुकान, अफगानिस्तान, २६ माघ। अफगानिस्तानको उत्तरी प्रान्त तखारमा तालिबान आतङ्ककारी समूहले बिहीबार गरेको एक एम्बुस आक्रमणमा परी कम्तीमा दुई सैनिकको मृत्यु भएको छ ।
साथै यस आक्रमणमा परी अन्य एकजना घाइते भएका छन् । अफगानिस्तानको प्रहरी स्रोतले सो जानकारी दिएको छ ।
दार्काद जिल्लामा जारी रहेको संयुक्त सैनिक कारबाहीको क्रममा तालिवान आतङ्ककारी समूहको आक्रमणमा दुई सैनिकको मृत्यु हुनुको साथै अन्य एक घाइते भएका प्रान्तीय प्रहरी प्रवक्ता अब्लुल खालिल आसिरले सिन्ह्वा समाचार समितिलाई जानकारी दिएको छ ।
यस जिल्लाका प्राय सबै भागमा जारी रहेको यो सैनिक कारबाही आतङ्ककारीको अन्त्य नभएसम्म नरोकिने पनि आसिरले बताउनुभएको समाचारमा जनाइएको छ ।
–––
प्रतिक्रिया दिनुहोस्