काठमाडौं, १४ जेठ । इजरायली सेनाले बिहीबार दक्षिणी लेबननको ठुलो भाग खाली गर्न आदेश दिएको छ।नयाँ आक्रमण हुनुभन्दा अगाडि नै यसले त्यस क्षेत्रलाई युद्ध क्षेत्र घोषणा गरेको छ। इजरायल रक्षा बल (आईडीएफ) ले मानिसहरूलाई जहरानी नदीको उत्तरतिर सर्न आग्रह गरेको छ।यो नदी इजरायली सीमाबाट लगभग ४० किलोमिटर टाढा छ।आईडीएफले अत्यन्त कडाइका साथ कारबाही गर्ने बताएको छ।यसले हेजबुल्लाहलाई बारम्बार युद्धविराम उल्लङ्घन गरेको आरोप लगाएको छ।यो अप्रिल १७ मा लागु भएको युद्धविराम पछिको सबैभन्दा ठुलो आक्रमण आदेश हो, जसले लेबननको लगभग १४ प्रतिशत भूभागमा असर गर्नेछ।यसअघि बुधबार इजरायलले दक्षिणी सहर टायरमा हवाई आक्रमण गरेको थियो।हेजबुल्लाहले इजरायललाई युद्धविराम उल्लङ्घन गरेको आरोप पनि लगाएको छ।यसले आफ्ना लडाकु इजरायली सेनासँग झडप भएको बताएको छ।बुधबार इजरायलका प्रधानमन्त्री बेन्जामिन नेतन्याहुले भने, ुहेजबुल्लाहले दक्षिणी लेबननमा तैनाथ सैनिक र उत्तरी इजरायलका नागरिकहरूमाथि ड्रोन आक्रमण गरेको छ। त्यसपछि उनले आफ्नो जमिन सैन्य कारबाहीलाई थप विस्तार गर्ने वाचा गरे।