बुटवल, २० माघ । माघ २१ गतेका लागि आह्वान गरिएको प्रदेश ५ को प्रदेशसभाको पहिलो बैठककोे तयारी अन्तिम चरणमा पुगेको छ । प्रदेशको अस्थायी मुकाम बुटवलस्थित बुटवल उद्योग बाणिज्य संघको सभाकक्षलाई प्रदेशसभा बैठकका लागि संसदिय ढांचामा तयार गरिएको छ ।

सभाहलमा सभामुख बस्ने आसान, रौस्टम, सत्तापक्ष र बिपक्षिको कुर्चि, पत्रकार दिर्घा लगायत निर्माणका कामहरु तिब्र रुपमा भइरहेका छन ।

बैठक कक्षमा सत्तापक्ष र विपक्षीका लागि छुट्टाछुट्टै ठाउ व्यवस्थापन गर्नुपर्ने हुन्छ तर हाललाई भने राजनितिक दलका आधारमा तीनवटा रो मा सांसदहरुलाई राखिने संसद सचिवालयका अधिकृत सुरेन्द्र अर्यालले जानकारी दिनुभयो ।

प्रदेश ५ मा एमालेका ४१, कांग्रेसका १९, माओवादीका २०, संघीय समाजवादी फोरमका ५, राष्ट्रिय जनता पार्टी र राष्ट्रिय जनमोर्चाका एक–एक गरी जम्मा ८७ सांसद छन् । भोलिहुने पहिलो बैठकमा प्रदेशसभा संचालनका लागि अन्तरिम सभा संचालन कार्यबिधी अनुमोदनका लागि संसदमा पेश हुनेछ । त्यसैगरि सभामुखको अनुपस्थितिमा बैठक संचालनका लागि ५ सदस्यिय कार्यदल निर्माण गरिने पनि अर्यालले जानकारी दिनुभयो ।

प्रदेश ५ को प्रदेशसभा बैठकको अघिल्लो दिन नेपाली कांग्रेसका केन्द्रिय सदस्य तथा पुर्ब रक्षामन्त्रि बालकृष्ण खाणले शनिबार बैठक कक्षको अबलोकन गरेका छन । नेता खाणले बैठकले राष्ट्रिय राजनिति र स्थानिय तहका लागि पनि महत्वपुर्ण निर्णय गर्ने वताउनुभयो ।

उहाले अस्थायी मुकाम तोकिएपछि यहा संसद भवन र सांसदहरुकाले आवास लगायतका लागि यहाका उद्योगि ब्यावसायीहरुले गरेको सहयोगको प्रसंसा समेत गर्नुभयो ।