एजेन्सी, २५ चैत । इजरायलको नियन्त्रणमा रहेको वेस्ट बैंकमा गोलाबारी हुँदा दुई इजरायली युवतीको मृत्यु भएको छ । उनीहरू दिदीबहिनी भएको बताइएको छ । १६ र २० वर्ष उमेरका उनीहरूको थप परिचय खुलाइएको छैन ।

गोली लागेकी ४८ वर्षीया महिला गम्भीर घाइते भएकी छन् । उनी मृत्यु हुने महिलाकी आमा युवतीकी आमा भएको बताइएको छ ।

शुक्रबार जोर्डन उपत्यकाको उत्तरी भागमा रहेको हमारा जङ्सनमा गोलाबारी भएको इजरायली सेनाले जनाएको छ । गाडीमा आक्रमण हुँदा उनीहरू मारिएका हुन् ।

उनीहरू बेलायतबाट बसाइँ सरेको वेस्ट बैंक बस्तीका प्रमुखले बताएका छन् । आक्रमण हुँदा उनका बुवा अर्को गाडी चलाइरहेको एजेन्सीले जनाएका छन् ।

आक्रमण दक्षिण लेबनान र गाजाक्षेत्रमा इजरायलले हवाइ आक्रमण गरेको केही घण्टापछि भएको हो ।

शुक्रबारको घटनालाई आक्रमण इजरायल र प्यालेस्टिनी इस्लामिक विद्रोही समूह हमासबीचको द्वन्द्वका रुपमा विकसित भएको इजरायलको आधिकारिक न्यूज एजेन्सीले जनाएको छ । एजेन्सीका अनुसार उक्त क्षेत्रमा असल्ट राइफलका २२ वटा गोली फेला परेका छन् ।

बिहीबार इजरायली सेनाले प्यालेस्टिनी इस्लामिक विद्रोही समूह हमासविरुद्ध कारवाही घोषणा गर्दै गाजा क्षेत्रमा हवाइ आक्रमण गरेको थियो । हमासले गाजा क्षेत्रबाट बुधबार नौवटा रकेट इजराइलतर्फ हानेको थियो । त्यसको जवाफमा इजरायलले गाजा क्षेत्रमा हवाइ आक्रमण गरेको हो ।

गत साता इजरायली प्रहरीले जेरुसेलमस्थित अल–अस्का मस्जिदमा मुस्लिम भक्तजनमाथि कुटपिट गरेको थियो। उक्त हिंसा थप चर्किँदै गएको हो ।

अघिल्लो वर्ष अलअक्सा मस्जिदमा इजरायली प्रहरीले मुस्लिम समुदायमाथि धरकपट गरेपछि त्यसबेला पनि दुईबीच युद्ध भएको थियो । युद्धमा तीन सय बढी प्यालेस्टिना मारिएका थिए ।