अछाम, १६ माघ । पुर्व पश्चिम जोड्ने पुष्पलाल (मध्य पहाडी) लोक मार्ग अन्तरगत अछाम र दैलेखको सिमा कर्णाली नदीमा बनेको पक्की पुलले यात्रा गर्न निकै सहज भएको छ । बेलखेतमा पक्की पुल बने संगै स्थानिय निकै खुसी भएका छन् ।

यो पुल बन्नु भन्दा अगाडी नदी वारपार गर्न ‘फेरी’ को साहारा लिएर जोखिमपुर्ण यात्रा गर्नुपथ्र्यो । पक्की पुलले गाडी मोटरलाई मात्र हैन सबै आम नागरिकलाई आवत जावतमा सजिलो भएको छ ।

आफुले यो नदी वारपार गर्ने क्रममा कयौ पटक भगवान भरोसामा फेरीको कठिन यात्रा गरेको बसुन्धरा मावि थालपाटाका शिक्षक खेमराज महताले बताए । यस्तै स्थानीय दीपेन्द्र बिष्ट भन्छन् ‘पहिलेको जस्तो जोखिम मोलेर नदी वारपार गर्नु पर्दैन यही खुसी लाग्छ ।’

कर्णली नदीमा डुगांको जोखीमपुर्ण यात्रा गरी नदी तर्ने क्रममा डुङगा पल्टीएर कयौ मानिसले ज्यान गुमाउनु परेको थियो भने कयौ आफन्तका खुसी खोसेको थियो । स्थानीय वासीहरु पनि पक्की पुल बनेसंगै अव मालसामान आपुर्ती गर्न मात्र हैन आफुले उत्पादन गरेका तरकारी लगाएत अन्य कुराहरुले पनि वजार पाउनेमा ढुक्क छन् ।

स्थानीय धन बहादुर वोहराले भने ‘वजार तिरवाट सामान लिएर आएका गाडीलाई हामी रितै फर्काउने छैनौ ‘हामीले उत्पादन गरेका ताजा तरकारी, फलफुल गाडी भरेर पठाउनेछौ’ ।

संघ संस्थाले तरकारी र फलफुल खेती गर्न सिकायो तालिम लियौ तर वजार नहुँदा स्थानियले आफुलाई खान पुग्ने गरि मात्र उत्पादन गर्ने गरेको उनले सुनाए । ०६४ बाट निमार्ण कार्य थालिएको लोकमार्गले पुर्वी नेपालको नुवाकोट देखी पश्चिम नेपालको बैतडीलाई जोड्ने छ ।

कुल १७ सय ८६ किलोमिटर लम्वाई रहेको पुष्पलाल (मध्य पहाडी) लोक मार्गले मध्य नेपालका २५ जिल्लाका दुई सय १५ बस्तीलाई जोडेको छ । पक्की पुल निमार्णले सुर्खेत, नेपालगञ्ज र राजधानी काठमाण्डौ जान सहज र छोटो दुरीको यात्रा हुने भएको छ ।

मध्ये पहाडी लोक मार्गमा निमार्ण हुने ८० पक्की पुल मध्ये अछाम र दैलेखको सिमा कर्णाली नदीको बेलखेतमा निमार्ण भएको पुल सबै भन्दा लामो दुई सय मिटरको छ ।

नदीमा पक्की पुल निमार्ण हुनु पहिले ट्रक, बस, जिप जस्ता हेभी गाडी ‘फेरी’ वाट वारपार गराईन्थ्यो । कहिलेकाहि ‘फेरी’ विग्रीयो भने यातायात ठप्प हुने गरेकाले स्थानीय वासीले हैरानी खेप्दै आएका थिए ।

कतीपयले भने मोटरसाईकललाई पनी काठको सानो डुङगामा राखेर जोखिमको यात्रा गर्थे । ०५८ सालमा पुर्व पश्चिम जोड्ने सहज र सरल मार्गको विकल्पका रुपमा मध्ये पहाडी लोक मार्गलाई प्रतावित गरिएको थियो ।

०६४ सालवाट सुरु भएको लोक मार्ग निमार्णको काम अहिले धमाधम भईरहेको छ । मध्ये पहाडी लोक मार्ग निमार्ण कार्य संगै स्थानिय स्तरमा रोजगारीको पनि सिर्जना भएको छ ।