काठमाडौँ, ११ फागुन । कर्णाली प्रदेश प्रहरी गणमा एक प्रहरी जवानले आत्महत्या गरेका छन् । बिहीबार बिहान २ः५६ को समयमा ड्युटी बसिरहेको समयमा प्रहरी जवानले एसएलआरबाट दाहिने साइडको कन्चटमा गोली हानी हत्या गरेको हुन् ।
दार्चुलाको अपी नगरपालिका–६ घर भएका २६ वर्षीय कविन्द्र विकले आफ्नै कन्चटमा एसएलआरबाट गोली हानी आत्महत्या गरेको कर्णाली प्रदेश प्रहरी कार्यालयले जनाएको छ । विक बिहान १ बजेदेखि २ बजेसम्मको ४ नम्बर प्रहरी पोष्टको डिउटीमा खटिएका थिए ।
प्रहरी निरीक्षक झरना सुनारका अनुसार मृत भेटिएका प्रहरी जवान विकको शव पोस्टमार्टमका लागि कर्णाली प्रदेश अस्पतालमा राखिएको छ ।
उनको दरबन्दी कालिकोटको प्रहरी चौकी सुकाटियामा रहेको थियो । तर, उनी कर्णाली प्रदेश प्रहरी गणमा कार्यरत रहेका थिए ।
घटनाको थप अनुसन्धानका लागि जिल्ला प्रहरी कार्यालय सुर्खेतबाट प्रहरी निरीक्षकको कमान्डमा ८ जनाको प्रहरी टोली खटिएको छ ।
प्रतिक्रिया दिनुहोस्