काठमाडौं, १३ माघ । नेपाल आदिवासी जनजाति पत्रकार महासंघ (फोनिज) को छैटौं महाधिवेसन आगामी चैत २३ र २४ गते काठमाडौंमा हुने भएको छ ।

फोनिजको काठमाडौंमा बसेको केन्द्रीय समिति बैठकले छैटौं महाधिवेसन गर्नका लागि अध्यक्ष डण्ड गुरुङको संयोजकत्वमा ३९ सदस्यीय मूल आयोजक समिति गठन समेत गरेको छ । सो मूल आयोजक समितिमा केन्द्रीय समिति, सदस्य संगठनका एक÷एक जना प्रतिनिधि र काठमाडौं उपत्यकाका तीन जना शाखा अध्यक्षहरु रहने छन् ।

बैठकपछि फोनिजका संगठन सचिव मनोज घर्तीमगरले जारी गरेको प्रेस विज्ञप्तिमा महाधिवेसन सफल पार्नका लागि सबैलाई सहयोगका लागि अनुरोध समेत गरेको छ । बैठकले जिल्ला अधिवेसनहरु आगामी फागुन १५ गतेभित्रमा सम्पन्न गर्ने निर्णय समेत गरेको छ ।

बैठकले गरेका निर्णयहरु यस्तो छ –
१. नेपाल आदिवासी जनजाति पत्रकार महासंघ (फोनिज)को छैठौँ संघीय महाधिवेशन २०७४ चैत २३ र २४ गते काठमाडौंमा आयोजना गर्ने निर्णय गरियो ।
२. महाधिवेशनको तयारी लगायतका काम सम्पन्न गर्न निम्न बमोजिमका समितिहरु गठन गरिएको छ ।
क) मूल आयोजक समिति ः महाधिवेशन सम्पन्न गर्न फोनिजका अध्यक्ष डण्ड गुरुङको संयोजकत्वमा केन्द्रीय समिति, संस्थागत सदस्य संस्थाका १÷१ जना प्रतिनिधि र उपत्यकाका तीन जिल्लाका अध्यक्षहरु रहेको ३९ सदस्यीय मूल आयोजक समिति गठन गरियो ।
ख) महाधिवेशन सल्लाहाकार समिति ः केन्द्रीय समितिका सल्लाहाकारहरु रहनुभएको सल्लाहाकार समिति गठन गरियो ।
ग) आर्थिक तथा व्यवस्थापन समिति ः संगठनका कोषाध्यक्ष टेकराज थामीको संयोजकत्वमा क्षेत्रीय संयोजकहरु, उपत्यकामा रहेका केन्द्रीय सदस्य र उपत्यकाका तीन जिल्लाका अध्यक्षहरु सदस्य रहेको आर्थिक तथा व्यवस्थापन समिति गठन गरियो ।
घ) प्रतिनिधि व्यवस्थापन समिति ः संगठन सचिव मनोज घर्तीमगरको संयोजकत्वमा क्षेत्रीय संयोजकहरु, केन्द्रीय सदस्यहरु गणेशमान गुरुङ, जगत दोङ, यमन दनुवार, श्रीकृष्ण महर्जन सदस्य रहेको प्रतिनिधि व्यवस्थापन समिति गठन गरियो ।
ङ) प्रचार प्रसार तथा प्रकाशन समिति ः संगठनका संस्थागत सचिव राजेश चाम्लीङ राईको संयोजकत्वमा केन्द्रीय सदस्यहरु जीवन लामा, दीपा आले र जगत दोङ सदस्य रहनुभएको प्रचार प्रसार तथा प्रकाशन समिति गठन गरियो ।
च) अतिथि सत्कार तथा मञ्च व्यवस्थापन समिति ः संगठनका उपाध्यक्ष भैरव आङलाका संयोजकत्वमा सचिव रजनी तामाङ, सदस्यहरु गणेशमान गुरुङ, माला पालुङवा सदस्य रहनुभएको अतिथि सत्कार तथा मञ्च व्यवस्थापन समिति गठन गरियो ।
३. बैठकले संगठनका महासचिव गजुरधन राईद्वारा प्रस्तुत संगठनात्मक प्रतिवेदन र कोषाध्यक्ष टेकराज थामीद्वारा प्रस्तुत आर्थिक प्रतिवेदन सुझावसहित पारित ग¥यो ।
१३ माघ २०७४
……………………
(मनोज घर्तीमगर)
सचिव