अछाम, ९ माघ । अछाम प्रहरीले अबैध रुपमा चौँरी गाईको पुच्छर र हड्डी ओसारपसारमा संलग्न एक जनालाई पक्राउ गरेको छ । हुम्ला जिल्लाको सिमिकोट गाउँपालिका ६ का ६८ बर्षिया कुंगा लामालाई प्रशरीले पक्राउ गरेको हो ।

अछाम जिल्लाको ढकारी गाउँपालिका १ सैनबजारमा गस्तिमा टोलीमा रहेको टोलीले कुंगा माथि शंकाको आधारमा चेकजाँच गर्दा उनको झोलाबाट चौरी गाईको ७ थान सेतो पुच्छर र एक थान कालो पुच्छर बरामद गरेको हो ।

त्यो संगै उनको साथबाट ५ थान हड्डी पनि फेला परेको जनाईएको छ । लामाले ती चौरी गाईको पुच्छर र हड्डी बिक्रि बितरणका लागि लिन लागेका थिए ।

बरामद गरिएका चौरी गाईका पुच्छर र हड्डी र ओसार पसारमा संलग्न लामालाई आवस्यक कारबाहीका लागि जिल्ला पशु सेवा कार्यालय अछाममा पठाईएको अछामका प्रहरी नायब उपरिक्षक दधिराम न्यौपानेले जानकारी दिनु भयो ।

एबीसी रिर्पोटर एकेन्द्र महता