बाजुरा, १० वैशाख । लामो समयदेखि ब्रेन क्यान्सरबाट पीडित खप्तड छेडेदह गाउँपालिका– ६ का वडाध्यक्ष हर्कबहादुर विष्टको निधन भएको छ। वडाध्यक्ष विष्टको ५० वर्षको उमेरमा गएराति आफ्नै घरमा मृत्यु भएको मृतकका पारिवारिक स्रोतले जानकारी दिएको छ।
०७९ सालको स्थानीय तहको निर्वाचनमा नेपाली कांग्रेसबाट वडाध्यक्ष पदमा निर्वाचित विष्ट लामो समयदेखि ब्रेन ‘क्यान्सर’बाट पीडित थिए । वडाध्यक्ष विष्टको निधनप्रति दुःख व्यक्त गर्दै गाउँपालिका अध्यक्ष दिलबहादुर रावतले आज पालिकामा शोक बिदा दिइने बताएका छन् ।
प्रतिक्रिया दिनुहोस्