दाङ,५ माघ  ।  उच्च अदालत तुलसीपुरका कानुन ब्यबसायीहरु सरकारको निर्णयका बिरुद्ध सर्बोच्च अदालतमा जाने भएका छन् । प्रदेश मुकाम उच्च अदालत भएको ठाँउमा हुनुपर्ने कानुनी व्यवस्था हुँदाहुदै सरकारले प्रदेश मुकाम रुपन्देहीलाई घोषणा गरेपछि तुलसीपुरका कानुन व्यवसायीले सरकारविरुद्ध रिट दायर गर्ने भएका छन् ।

उच्च अदालत बार एशोसीयसन तुलसीपुरको शुक्रबार बसेको बैठकले सो निर्यण गरेको बारका अध्यक्ष बिजय पौड्ेलले जानकारी दिएका छन् ।

कानुन ब्यबसायी बिष्णुमणी देबकोटाले सरकारका बिरुद्ध सर्बोच्चमा रिट दायर गर्ने र सडक संर्घषमा समेत सहभागी हुने बताएका छन् । त्यसो नभए नागरिकबाट शुरु गरिएको स्वतस्फुर्त आन्दोलनमा कानुन ब्यबसायी सहभागि हुने उच्च अदालत बार एशोसीयसन तुलसीपुरले निर्णय गरेको देवकोटाले बताएका छन् ।

लगातारको चौथो दिनमा जारी आम हड्तालको कारण दाङमा जनजिवन प्रभावित बनेको छ । बिहानदेखि जिल्लाका मूख्य बजारहरु सुनसान भएका छन् । राजमार्ग ठप्प छ भने सरकारी कार्यालय, गैरसरकारी कार्यालय, पसल, उद्योग, शिक्षण संस्था समेत बन्द गरिएको छ ।

एबीसी रिर्पोटर बिकार डाँगी