भक्तपुर,३ माघ ३ । हत्या गरिएको अवस्थामा बुधबार बिहान भक्तपुरमा एक व्यवसायीको शव भेटिएको छ । माटो व्यवसायी चाँगुनारायण नगरपालिका–९ ताथलीका वर्ष ५५ का सीताराम सैंजुको हत्या भएको छ ।
सैंजुको शव बिहान ५ बजे भक्तपुर नगरपालिका–९ ब्रम्हायणीमा घोप्टो परेको अवस्थामा भेटिएको प्रहरी परिषर भक्तपुरका प्रवक्ता प्रहरी नायब उपरीक्षक कृष्ण प्रसाईले जानकारी दिए ।
प्रारम्भिक अनुसन्धानमा ढुङ्गाले हानेर हत्या गरेको आशंका गरेको बताउँदै उहाँले सैंजुको टाउकोको पछाडि गम्भीर चोट लागेको छ । हत्यामा संलग्न रहेको आशंकामा प्रहरीले तीनजनालाई पक्राउ गरी अनुसन्धान गरिरहेको छ ।
प्रतिक्रिया दिनुहोस्