काठमाडौं, २ जेठ । चीनले सोमवार आठ वटा उपग्रह बोकेको लिजियान–१ वाइ१४ वाहक रकेट सफलतापूर्वक प्रक्षेपण गरेको छ । उत्तर–पश्चिम चीनको एक व्यावसायिक अन्तरिक्ष नवप्रवर्तन परीक्षण क्षेत्रबाट बेइजिङ समयअनुसार बिहान ११ः४४ बजे प्रक्षेपण गरिएको उक्त रकेटले आफ्ना पेलोडलाई तोकिएको कक्षमा सफलतापूर्वक पु¥याएको छ । प्रक्षेपण गरिएका सबै उपग्रहहरू उच्च–रिजोल्युसन भएका अप्टिकल रिमोट सेन्सिङ (प्रकाशीय दूरसंवेदन) उपग्रहहरू हुन् । यो यस रकेट श्रृङ्खलाको १४ औं उडान मिसन हो । यस रकेटको विकास चाइनिज एकेडेमी अफ साइन्सेज अन्तर्गतको इन्स्टिच्युट अफ मेकानिक्सद्वारा स्थापित व्यावसायिक अन्तरिक्ष उडान कम्पनी सीएएस स्पेसले गरेको हो । रकेट निर्माताकाअनुसार लिजियान–१ श्रृङ्खलाले हालसम्म कुल १५ टनभन्दा बढी वजनका १०५ वटा उपग्रहहरू अन्तरिक्षमा पठाइसकेको छ । कम्पनीकाअनुसार यस रकेट श्रृङ्खलाले सन् २०२६ को दोस्रो त्रैमासिकमा लगातार तीन पटक सफल प्रक्षेपण गरी यस वर्षको उच्च–घनत्व प्रक्षेपण तालिकालाई थप तिब्र बनाएको छ ।